Кўчмас мулк ва мулк ҳУҚУҚи амалий қўлланма

КЎЧМАС МУЛК ВА МУЛК ҲУҚУҚИ
190
Шартнома нусхаси 
Давлат божи тўланганлиги ҳақида квитанция
Шартнома шартларининг даъвогар ёки жавобгар томонидан бажарилишини (тўлиқ 
ёки қисман) тасдиқловчи бошқа ҳужжатларнинг нусхалари
Даъвогарнинг талабини тасдиқловчи бошқа ҳужжатларнинг нусхалари
Агар ариза вакил томонидан берилган бўлса, ишончнома ёки унинг ваколатини 
тасдиқловчи бошқа ҳужжат
Даъво аризаси нусхалари
Давлат божининг миқдори
Номулкий тусдаги даъво (номоддий даъво) бўлиб, давлат божи энг кам ойлик иш 
ҳақининг 50 фоизи миқдорида ундирилади.
Мазкур талабга оид ҳуқуқий муносабатларни тартибга солувчи қонун 
ҳужжатлари
- Ўзбекистон Республикаси Фуқаролик кодексининг 112, 115-126-моддалари;
- Ўзбекистон Республикасининг «Хўжалик юритувчи субъектлар фаолиятининг 
шартномавий-ҳуқуқий базаси тўғрисида»ги Қонуни;
- Ўзбекистон Республикаси Олий суди Пленумининг 2006 йил 22 декабрдаги «Суд 
амалиётида битимларни тартибга солувчи қонунчилик нормаларини татбиқ қилишда 
вужудга келадиган айрим масалалар тўғрисида»ги 17-сонли қарори;
- Ўзбекистон Республикаси Олий суди Пленумининг 1999 йил 24 сентябрдаги 
«Суд амалиётида фуқаролик кодексини татбиқ қилишда вужудга келадиган айрим 
масалалар тўғрисида»ги 16-сонли қарори.
Қўшимча изоҳ
Ўзбекистон Республикаси Фуқаролик кодекси 112-моддасининг 2-қисмига кўра, агар 
тарафлардан бири нотариал тасдиқлаш талаб қилинадиган битимни тўла ёки қисман 
бажарган бўлса, иккинчи тараф эса — битимни нотариал расмийлаштиришдан бош 
тортса, суд битимни бажарган тарафнинг талаби бўйича уни ҳақиқий деб ҳисоблашга 
ҳақлидир. Бу ҳолда битимни кейинчалик нотариал расмийлаштириш талаб 
қилинмайди.
Битим агарда қонун ҳужжатларида бундай битимни тузишни тақиқлаган ёки чеклаган 
бўлса, ёки тарафларнинг унинг барча зарурий шартлари бўйича келишувга эришмаган 
бўлсалар, суд томонидан ҳақиқий эмас деб топилиши мумкин эмас.
Нотариал тасдиқланиши лозим бўлган битимни ҳақиқий деб топиш ҳақидаги 
низони ҳал этишда унинг тузилганлиги, тарафлардан бири томонидан тўлиқ ёки 
қисман бажарилганлиги фақат ёзма далиллар билан тасдиқланиши мумкин, агарда 
қонунчиликда бошқа ҳолат назарда тутилган бўлмаса.

---