Farmon Ergashovich Nurboeyv, Shahlo Shavkatovna Tillоeva, Dilbar Baxriddinovna Raxmatova

Moddasiz yoki balg’am va savdo moddasidan bo’lgan sovuq  
bosh og’rig’ini davolash. 
Bu  xil  bosh  og’rig’ida  amalda  qizdiruvchi  narsalar  bilan  qilingan 
kompresslar,  masalan,  isitilgan  kompress,  qizdirilgan  tariq  va  qizdirilgan 
tuzdan  qilingan  kompresslar  foyda  qiladi.  Sovuq  tufayli  bosh  og’rig’iga 
uchragan  kishilarga,  ayniqsa,  ularning  sovuq  tekkanlariga,  agar  ularning 
badanlari  bo’shatish  orqali  tozalangan  bo’lsa,  boshni  ochib  quyosh 
ro’parasida to tuzalib bosh og’riqlari tarqalguncha turish foyda qiladi. Sovuq 
tekkan kishining ovqatini ozaytirish, huqna dorilar bilan tabiatini yumshatish, 
jismoniy, nafsoniy va fikriy harakatlardan uzoq tutish, sovuq ichimliklardan 
tiyish va sovuqqa  chiqishga qo’ymaslik zarur. Sovuq sababli bosh og’rig’iga 
uchraganlarning hammasiga agar kerak bo’lsa, tozalangandan keyin yuqorida 

---

165 
 
eslatib  o’tilgan  va  qizdirish  xususiyatiga  ega  bo’lgan  surtiladigan,  burunga 
yuboriladigan,  burunga  tortiladigan,  hidlanadigan  va  quyiladigan  dorilar 
hamda  quyuq  surtmalar  foyda  qiladi.  Suyuk  rayxoniy  sharobni  urug’lar, 
ya`ni petrushka urug’i, arpabodiyon,  rum arpabodiyoni, zira, yovvoyi sabzi 
urug’i yoki petrushka urug’i shularga o’xshashlar bilan qo’shib ichirish ham 
u bemorga yaxshi foyda qiladi. 
Bundan  tashqari,  xardal  quyuq  surtmasi,    qizartiruvchi  quyuq  surtmalar, 
ayniqsa  ularning  xardal  va  tog’  gazako’ti  yelimi  bilan  qo’shilgani  foyda 
qiladi.  Qulni  sirka  bilan  qo’shib  surish,  Shuningdek  zarchavani  achchiq 
bodom  yog’i  bilan  surish  ham  ta`siri  yaxshi  bo’ladi.  Bu  dorilarni  sochni 
qirilgandan  keyin  surtiladi.  Sarimsoq  yeyish  ham  sovuqdan  bo’lgan  bosh 
og’rig’ini to’xtatuvchi tadbirlardandir. 
Balg’am moddasidan bo’lgan sovuq bosh og’rig’ini davolashga kelsak, agar 
xilt  badanning  hammasida  bo’lsa,  uni  bo’shatiladi,  keyin  kasalga  oz  va 
yengil  ovqat  beriladi  hamda  bosh  og’rig’i  paydo  qilmaydigan  dorivorlar 
beriladi. Savdo   moddasidan   bo’lgan   sovuq   bosh   og’rig’ini   davolashda  
ham  davolash  qonunida  aytilganlarga  qarab  ish  ko’rish  lozim.  Agar  qon  
ko’pligi  va  buzuqligi  jiatidan  tomirdan  olish  ehtiyoji  sezilsa,  qon  olinadi. 
Keyingi  bayon  qilingan  yetiltiruvchi  dorilar  ishlatilgandan  keyin 
bo’shashtiruvchi dorilarni darajalar bilan asta-sekin ishlatish kerak.