O‘zbekiston respublikasi madaniyat va sport ishlari vazirligi

Bolalar  ijodini  o‘rganish  -  bunda  o‘quvchilarning  o‘ziga  xos  faoliyatilariga, 
shaxsiy  bilim,  malaka  va  qobiliyatlariga  doir  omillar  tahlil  qilinadi,  muayyan 
xulosalar  yasaladi.  Har  bir  inson  bu  bir  katta  mo‘jiza  va  bir  dunyodir.  U  hayotga 
kelishi  bilanoq    xudo,  tabiat  bergan,  ota-ona  qoni  bilan  kelgan  nafaqat  o‘z  tashqi 
ko‘rinishi, balki qobiliyatlari, intilishlari bilan boshqalardan farqlanadi. Shunga qarab 
har  bir  o‘qituvchining  vazifasi  -  bolaning  o‘zini  nimalarga  tortilishini  topib,  shu 
xislatlarni  shakllantirish  va  rivojlantirishini  ta'minlab  berishi  darkor.  Bolalarning 
qaysi ijodga mansubligini aniqlashda pedagogik tadqiqotlar va tahlillar o‘tkaziladi. Bu 
ishlarni amalga oshirish uchun ularning turli  daftarlari, tutgan kundaliklari, bayon va 
insholari, yozilgan ertak, hikoya va she'rlari, to‘qilgan mato va tikilgan kiyim  - bosh 
kiyim  -  oyoq  kiyimlari,  chizilgan  rasmlari  va  ishlagan  fotosur'atlari,  tuzilgan  asbob-
uskunalari  va  apparat  yoki  mashina-mexanizmlarning  maketlari,  matematika 
formulalarni  yechishga  yangicha  yondoshuvlari,  fizika  -  ximiya  -  biologiyadan 
o‘tkazilgan  tajriba-sinovlari,  ona  yurtimizning  turli  joylariga  sayr  qilishlari, 
arxeologik qazishlarga ishtirok etishlari, tarixiy meros va yodgorliklarimizni astoydil 
o‘rganishlari,  majlis  va  munozaralarda  so‘zga  chiqishlari  va  sahnada  she'r  aytish  va 
spektakl  qo‘yishlari,  musiqa  bilan  shug‘ullanishlari,  jismoniy  tarbiya  va  sport  biron 
turi  bilan  mashg‘ulotlari,  sartaroshlik,  o‘yni  bezatish,  pazandachilikka  o‘rinishlari, 
o‘ydagi hayvonlari, bog‘i va polizlariga qarashlarini o‘rganishi hizmat qiladi. Bolalar 
ijodini  o‘rganish,  tahlil  qilish  va  baholash  uchun  mamlakatimizda  tugalmaydigan 
ravishda  har  bir  maktabdan  tortib  respublika  miqyosigacha  ko‘p  fan  va  san'at 
olimpiadalari,  tanlov  va  festivallar,  konsert  va  ko‘rgazmalar,  musobaqa  va  ijodiy 
uchrashuvlar  o‘tkaziladi.  Bularning  natijasi  yoshlar  orasidan  qobiliyatli,  salohiyatli, 
zukko, bir ishga ixlos qo‘ygan, intilishlari zo‘r o‘g‘il va qizlarimizni aniqlab olishdir. 
Bu  aynan  tadqiqotchi  pedagoglarning  ishidir.  Keyingi  bosqichda  yoshlarning 
iste'dodlarini o‘stirish uchun har bir ta'lim  muassasida dastur, reja,  moddiy va ilmiy 
sharoitlar tuzilgan, maxsus maktablar va to‘garaklar ishlamoqda.