O`zbekiston respublikasi oliy va o`rta maxsus ta`lim vazirligi muqimiy nomidagi qo‟qo‟n davlat pedagogika instituti “Boshlang`ich ta`lim metodikasi” kafedrasi

3-§. Натижа эргаш гаплар 
Натижа эргаш гап бош гапдан англашилган иш-ҳаракатнинг натижасини билдирган эргаш 
гапдир. У бош гап билан бирга натижа эргаш гапли қўшма гап дейилади. Натижа эргаш 

---

гап бош гапга -ки боғловчиси ѐрдамида боғланади. Бош гап таркибида шундай, шу қадар, 
шунчалик, шу даражада, шунча, чунон каби сўзлар, эргаш гаплар таркибида эса натижада, 
оқибатда, ҳатто каби сўзлар қўлланиши мумкин: Дўл бир зумда шундай ѐғдики, ер оппоқ 
бўлиб кетди. Азимбой шундай зулм ўтказдики, оқибатда халқнинг сабр-косаси тўлди.
Схемаси қуйидагича: 
1. ...шундай.....-ки, натижада... . 
2. ...шу қадар....-ки, оқибатда... .
3. ...шунчалик.......-ки, ............. .
 4. ...шу даражада......-ки,.... .
5. ...шунча.........-ки, ........... . 
6. ...чунон..........-ки, ............ .  
 
4-§. Қўшма гап турларининг ўзаро маънодошлиги
Қўшма гапларнинг ҳар учала турида (боғланган, эргашган, боғловчисиз) ҳам зидлик, сабаб, 
шарт, пайт муносабатлари ифодаланиши мумкин: Ёмғир тинди, биз сафар анжомларини 
тайѐрлай бошладик. (боғловчисиз қўшма гап) - Ёмғир тинди ва биз сафар анжомларини 
тайѐрлай бошладик. (боғланган қўшма гап) - Ёмғир тинди, шунинг учун биз сафар 
анжомларини тайѐрлай бошладик.(эргашган қўшма гап)
Диққат!  Айрим дарсликларда эргашган қўшма гаплар боғловчи воситалар тури бўйича 
қуйидаги гуруҳларга ажратилган:
1) эргаштирув боғловчили эргашган қўшма гаплар; 2) кўмакчили қурилмалар ѐрдамида 
шаклланган эргашган қўшма гаплар; 3) деб сўзи ѐрдамида эргашган қўшма гаплар; 4) шарт 
майли воситасида эргашган қўшма гаплар; 5) кўрсатиш олмошли эргашган қўшма гаплар; 6) 
нисбий сўзли эргашган қўшма гаплар (27; 38-47);