Toshkent davlat yuridik universiteti

 
 
Yuqoridagilarga asoslanadigan bo‘lsak, soliq huquqiy munosabatlari 
–  soliq  solish  sohasida  vujudga  keladi;  munosabatning  majburiy 
ishtirokchisi  bo‘lib  davlat  organlari  namoyon  bo‘ladi;  munosabat 
ishtirokchilarining  huquq  va  majburiyatlari  munosabat  turini  belgilab 
beradi.  
 
Demak,  soliq  huquqiy  munosabatlari  –  bu  soliq  solish 
jarayonida vujudga keladigan, soliq huquqiy normalari bilan tartibga 
solingan huquqiy munosabatlarning bir turidir.  
 
Soliq  huquqiy  munosabatlari  soliq  huquqi  normalarida  nazarda 
tutilgan sharoitlar mavjud bo‘lganida vujudga keladi.  
Soliq  huquqiy  normalari  o‘z-o‘zidan  bevosita  soliq  huquqiy 
munosabatlarini  vujudga  keltirmaydi.  Balki,  soliq  huquqiy  munosabatlari 

---

49 
 
vujudga kelishining shartlarini, holatlarini va  mezonlarini belgilab beradi. 
Bu – yuridik faktlar bo‘lib, norma talabidan kelib chiqqan holda tomonlar 
o‘rtasida ma’lum bir huquqiy munosabatni vujudga keltiruvchi holatlardir. 
Yuridik  faktlar  soliq  huquqiy  munosabatlarining  zaruriy  sharti,  aniq 
talabi sifatida maydonga chiqadi.  
Jamiyatda  turli-tuman  holatlar  va  shart-sharoitlar  mavjud  bo‘lib, 
ularning hammasi ham yuridik fakt bo‘lib hisoblanmaydi. Muayyan hodisa 
va  holatlarni  yuridik  fakt  deb  e’tirof  etish,  davlatning  xohish-irodasiga 
bog‘liqdir.  
Yuridik  faktlar  nafaqat  soliq  huquqi  munosabatlarini  vujudga 
keltirish, balki o‘zgartirishi yoki bekor qilishi ham mumkin.  
Yuridik  faktlar  huquqiy  norma  bilan  huquqiy  munosabat  o‘rtasidagi 
bog‘lovchi vositadir.  
Soliq  huquqiy  munosabatlari  harakatlar  va  hodisalar  singari  yuridik 
faktlardan vujudga kelishi, o‘zgarishi va bekor bo‘lishi mumkin.