Финляндиянинг 100 та ижтимоий инновацияси

Саули Ниинистё,
Финляндия Республикаси Президенти 

---

9 
КИТОБНИНГ БИРИНЧИ НАШРИГА ЁЗИЛГАН 
КИРИШ СЎЗИ 
 
Дунё тезлик билан ўзгармоқда. Келажак томонидан биз учун 
тайёрланаётган янги мураккаб муаммоларни қандай енгишимиз 
мумкин? Кўпгина бошқа мамлакатлардаги каби Финляндияда ҳам 
инновацияларни яратиш ва улардан самарали фойдаланишга 
етакловчи модел ва тизимлар мажмуаси амалга ошмоқда. Бироқ, 
муваффақият фақатгина табиий фанлар ёки техник ихтироларга 
асосланган эмас, гарчи улар, албаттаки, фаровон жамият 
қурилишида беқиёс кўмакчидирлар.
Финляндиянинг 
юксак 
рақобатбардошлиги 
ва 
турмуш 
даражасининг юқори эканлигига сабаб, айни вақтда жамият 
томонидан қўллаб-қувватланишини таъминлаган ҳолда, кишининг 
тадбиркор 
бўлиши 
ва 
ўзини 
ўзи 
ривожлантиришини 
рағбатлантирувчи 
фаровон 
жамиятдир. 
Демократия, 
инсон 
ҳуқуқлари ва ҳуқуқий давлат тамойилларини ҳурмат қилиш, ҳамда 
амалдаги бошқарув тизими жамиятимизнинг мустаҳкам асосини 
ташкил этади. Давлат ва ҳокимликлар Финляндиядаги соғликни 
сақлаш ва ижтимоий сиёсатда, шунингдек, таълим тизими ва 
тадқиқот фаолиятларида муҳим рол ўйнайди. Бироқ, фуқароларнинг 
ўзлари ҳам ташаббускор сифатида, ҳам турли хил жамоат 
ташкилотларидаги хизматларни етказиб берувчилар сифатида 
тизимнинг фаолият юритишини таъминлашади.
Шимолий 
Европадаги 
бешта 
давлатларнинг 
барчаси 
ўтказилаётган халқаро таққослашларда ҳам рақобатбардошлик 
параметрлари, ҳам коррупцияга мойиллик даражасини қиёслаш 
бўйича яхши ўринларга эгадирлар. Ушбу китобнинг юздан ортиқ 
мақолаларида таърифланган, турли хил ва тоифадаги фин ижтимоий 
инновациялари орқали Финляндиядаги жамият ва унинг фаолият 
тамойиллари билан танишиш мумкин. Аминманки, ушбу китобдан 
ҳар бир инсон ўзи учун бирон бир янгилик қабул қилади.
Ушбу китобда таъриф қилинган баъзи инновациялар кўп 
қирралидирлар ва гарчи, уларнинг баъзиларида қизиқарли фарқлар
мавжуд бўлсада, уларни айрим бир давлатларда ҳам учратиш 
мумкин

---

10 
Ушбу китобда берилган инновацияларнинг кўп қисми бизнинг 
жамиятимизда ўн йиллар давомида қўлланиб келинмоқда ва балким, 
улар келажакда ҳам фойдали бўлиши мумкин. Бутун жаҳонда 
ўзгаришларга сабаб бўлаётган глобаллашув биз учун эътиборга 
олишимиз керак бўлган янгидан янги масалаларни тайёрламоқда. 
Уларни ҳал этишда биз учун янги инновациялар керак бўлиши 
мумкин. Биз келажакда ҳам бир-бирига душман бўлмаган, аксинча, 
эҳтимол ҳамкор бўлган фаровон жамият ва рақобатбардошликни 
бирлаштиришимиз керак.
Ушбу китобнинг муҳаррири ва муаллифларидан бири бўлган, 
депутат, тиббиёт фанлари доценти Илкка Тайпаленинг ўзини ҳам 
ижтимоий инноватор десак бўлади. У фин ижтимоий сиёсати 
соҳасидаги фаолиятда фаол қатнашмоқда. Шунингдек, у ижтимоий 
инновациялар ёрдамида жамиятдаги энг кўп ҳимояга муҳтож 
аҳволда бўлган инсонларнинг ижтимоий ҳолатини яхшилаш учун 
курашмоқда.
Аминманки, ушбу китоб янги ғоялар манбаи бўлиб хизмат 
қилади ва у туфайли Сиз оламга бошқача кўзлар билан қарайсиз.