Самарқанд давлат чет тиллар институти ҳузуридаги илмий даражалар берувчи phD

Тадқиқот усуллари. Диссертацияда тавсифлаш, қиѐсий ва мантиқий 
умумлаштириш, компонент таҳлили ҳамда маданиятлараро чоғиштириш 
усулларидан фойдаланилган. 
Тадқиқотнинг илмий янгилиги қуйидагилардан иборат: 
маданиятлараро мулоқот жараѐнида юзага келадиган лингвистик 
муаммоларнинг контекст шароитидаги лисоний ва нолисоний омиллари 
аниқланган; 
маданиятлараро мулоқот жараѐнидаги нутқий формулалар ва турғун 
ибораларнинг прагматик ва стилистик хусусиятлари аниқланиб, нутқий 
тузилмаларнинг лингвомаданий ва лисоний воқеланиши тиллараро 
чоғиштириш орқали очиб берилган; 
маданиятлараро мулоқот актида фойдаланиладиган нутқий формулалар 
ва турғун ибораларнинг турли вазият ва прагматик мақсадлар учун
фаоллашуви тавсифланиб, социопрагматик жиҳатдан асосланган; 
ўзбек ва инглиз тилларидаги нутқий формулалар ва мулоқот 
ибораларини қиѐслаш натижасида уларнинг структур-грамматик, лексик-
морфологик жиҳатлари тиллараро изоморф ва ҳар бир миллий маданиятга 
хос алламорф жиҳатларини намоѐн қилувчи
фарқли томонлари далилланган. 
Тадқиқотнинг амалий натижалари қуйидагилардан иборат: 
маданиятлараро мулоқотнинг лисоний муаммоларига боғлиқ бўлган 
жиҳатларини ва уларнинг ўзига хос хусусиятларини таҳлил қилиш ўзбек ва 
инглиз тиллари учун муҳим илмий-назарий маълумотлар бериши, 
тилшунослик назарияси, грамматика, морфология, лексикология, ҳозирги 
ўзбек ва инглиз тили каби фанлардан яратиладиган дарслик ва ўқув 
қўлланмаларнинг мукаммаллашувига хизмат қилиши асосланган; 
ўзбек ва инглиз тилларидаги нутқий формулаларнинг номутаносиб 
ҳолатлари структур-грамматик, лексик-морфологик, семантик, прагматик, 
лингвомаданий нуқтаи назардан ажратиш учун тавсиялар ишлаб чиқилган; 
маданиятлараро мулоқот жараѐнида фойдаланиладиган нутқий 
формулалар ва турғун ибораларнинг характерли хусусиятларини ўрганишда 
энг ишончли манбалардан бири бўлиб хизмат қилиши далилланган; 
маданиятлараро мулоқот соҳасидаги мутахассислар ва таржимонлар 
учун лингводидактик тавсиялар тақдим этилган.