O'zbekiston Milliy Ensiklopediyasi indd

ЧИНГИЗХОН ЯСОСИ, Буюк ясоқ, 
Буюк яса (мўғулча «жасоқ» — қонун, 
қарор, жазолаш сўзининг туркий «ясоқ» 
шакли) — Чингизхон томонидан мўғул 
қабилаларининг Ўнон дарёсининг бош-
ланиш жойида чақирилган қурултойи 
(1206)да қабул қилинган қонунлар 
мажмуи, ўрта асрлар мўғул ҳукуқи 
тўғрисидаги асосий ёзма ёдгорлик. Чин-
гизхон амрига биноан ёзилиб, «Олтун 
дафтар» (чингизий хонларнинг расмий 
тарихи) билан бирга хон хазинасида 
сақланган. Мўғуллар давлатининг таш-
кил топиши билан Ч.я.ни такомиллаш-
тириш, янги қонунлар билан тўлдириш 
зарурати туғилган. 1218 й.да унга муҳим 
тузатишлар киритилган. Ч.я.нинг сўнгги 
таҳрири 1225 й.даги қурултойда қабул 
қилинган.
Даставвал Ч.я., асосан, давлат то-
монидан амалга ошириладиган турфа 
тадбирлар, муайян гуноҳлар учун бери-
ладиган жазо чораларини ўзида мужас-
сам қилган. Ч.я. тўла шаклда сакланиб 
қолмаган, унинг айрим парчалари бизга-
ча етиб келган.
Жувайний (13-а.)нинг 
ёзишича, 
Ч.я. уйғур ёзувида тумор шаклида би-
тилган бўлиб, у «Йаса номайи бузург» 
(«Яса буюк китоби») деб номланган. 
Ч.я.нинг парчалари мусулмон тарихчи-
лари Жувайний, Рашидуддин, Ибн Бат-
тута, Тақйаддин Макризий; европалик 
сайёҳлар Плано Карпини, Биллем Ру-
брук, Марко Поло (13—14-а.лар) асар-
ларида сақланиб қолган. 1240 й.га оид 
— «Мўтулларнинг махфий тарихи» ва 
хитой манбаларида ҳам ясоқ ҳақида баъ-
зи маълумотлар мавжуд.
Ад.: Утемишходжи , Чингизнаме, Ал-
маАта, 1992; Султонов Т. И., Поднятые 
на белой кошме. Потомки Чингизхана, 
Алматы, 2001.
ЧИНГИЙ — қ. Муҳаммад Ёқуб Чин-
гий.
ЧИНДОВУЛ — ўзбек ва тожик 
халқларида дубулға шаклидаги, бир то-
монидан тери билан қопланган урма 
чолғу. Ҳарбий юришлар ва турли маро-
симларда қўлланилган. Ч. отлиқ аскар 
эгарига бойланган, таёқ ёки қамчи даста-
си билан чалинган.
ЧИНИҚТИРИШ 1) техникада — 
янги ишлаб чиқарилган машиналар (ав-
томобиль, трактор, трамвай, троллейбус, 
самолёт, т.й. состави, станоклар ва б.)ни 
дастлаб муайян маромда (режимда) иш-
латиб, астасекин равон ишлайдиган ҳолга 
келтириш. Маc, автомобилни меъёрий 
(паспортда кўрсатилган) тезликда ҳайдай 
бошлашдан олдин муайян пастроқ тез-
ликда ҳайдаб юриш керак бўлади. Шунда 
унинг бирбирига ишқаланиб мослашув-
чи деталлари (маc, двигателининг ци-
линдри билан поршени) муддатидан ол-
дин ейилиб кетмайди, равон ишлайдиган 
бўлади. Самолёт ва вертолётни синовчи 
учувчилар чиниқтиради. Т.й. состави ҳам 
олдинига йўловчиларсиз ҳайдаб синаб 
кўрилади; 2) тиббиётда — организмнинг 
ташқи муҳитнинг ноқулай шароитла-
рига чидамлилигини ошириш, шартли 
рефлекс омилларини кучайтириш учун 
бажариладиган муолажалар мажмуи (қ. 
Организмни чиниқтириш).
ЧИНК, чинг (қозоқча — шинг) — 1) 
қир ва баландликлар, супатоғларнинг 
эрозион, денудацион ва тектоник йўл би-
лан ҳосил бўлган тик тушган баланд ён 
бағри, жарлик. Бал. 300—350 м га етади. 
Ч.лар олди кўпинча пастликлар бўлиб, 
уларни шўр ва ботқоқ босган бўлади. 
Mac, Устюрт платоси, Манғишлок я.о. 
чеккалари Ч.лардан иборат; 2) чўққи, тоғ 
тепаси, кимсасиз, қор босган тоглар.