Anglashuv memorandumi

7-modda. Maxfiylik

1. Ushbu Memorandum yoki unga muvofiq tuzilgan boshqa kelishuvlarning bajarilishi

vaqtida har bir Tomon boshqa Tomonga taqdim etgan yoki undan qabul qilgan hujjat, axborot

yoki boshqa ma’lumotlarning maxfiyligiga rioya qilish majburiyatini oladi.

2.  Tomonlar  ushbu  Anglashuv  Memorandumining  amal  qilish  muddati  tugatilishiga

qaramasdan  Tomonlarning  o‘zaro  kelishuvi  asosida  belgilangan  muddatga  ushbu  moddaning

qoidalari o‘z kuchini saqlab qolishiga rozi bo‘ldilar.

8-modda. Intellektual mulk obyektlariga bo‘lgan huquqni himoya qilish

1. Intellektual mulk obyektlariga bo‘lgan huquqning himoyasi Tomonlarning amaldagi

tegishli qonunlar, qoidalar va yo‘riqnomalarga hamda har ikkala Tomonlar imzolagan xalqaro

bitimlarga muvofiq amalga oshiriladi.

2.  Tomonlardan  birining  nomi,  belgisi  va/yoki  rasmiy  emblemasidan  nashr,  hujjat

va/yoki boshqa qog‘ozlardan foydalanish, ushbu Tomonning yozma ruxsatisiz taqiqlanadi.

3.  Ushbu  moddaning  1-qismida  ko‘rsatilgan  qoidalardan  qat’i  nazar,  amalga

oshiriladigan  har  qanday  texnologik  yangilik,  mahsulot  va  xizmatlarning  rivojlanishiga  oid

intellektual mulk obyektlariga bo‘lgan huquqlar:

a)  Tomonlarning  birgalikdagi  faoliyati  yoki  Tomonlarning  o‘zaro  hamkorlikda  amalga

oshirilgan  tadqiqotlar  natijasida  yaratilgan  bo‘lsa,  o‘zaro  kelishuvga  muvofiq  har  ikkala

Tomonga tegishli hisoblanadi;

b) Tomonlardan birining yakka yoki alohida faoliyati yoxud yakka yoki alohida amalga

oshirgan tadqiqotlari natijasida yaratilgan bo‘lsa, faqat o‘sha Tomonga tegishli hisoblanadi.

---