N. M. Mahmudov, A. Nurmonov, A. Sh. Sobirov

269-mashq.
  Toshkent  haqida  bilganlaringizni  ayting.  Ular  asosida 
og‘zaki  matn  tuzing.
270-mashq.
  Matnni  o‘qing,  mazmunini  qayta  so‘zlab  bering.  Siz 
ham  o‘z  qo‘lingiz  bilan  biror  tup  ko‘chat  ekkanmisiz?
Qadimda  bir  boy  o‘tgan  ekan.  Shu  odam  bozorga  borganda, 
odamlar  meva-cheva  olgach:  «Ekkanga  rahmat,  tikkanga  rahmat»,  – 
deb  ketayotganini  eshitib  qolibdi.  Kelasi  yili  chorakorlariga  buyurib, 
bog‘-rog‘  barpo  etibdi.  Vaqti  kelib  shu  bog‘ning  mevasidan  odamlar 
bahramand  bo‘lishibdi.  Kelganlar: 
«
Ekkanga,  tikkanga  rahmat!» 
dermish-u,  «Egasiga  rahmat!»  deb  aytmasmish.  Shunda  boy  halol 
mehnatning  savobi  ulug‘ligini  anglab  yetib,  kelasi  yili  o‘z  qo‘li 
bilan  bog‘  yaratibdi.  (X. To‘xtaboyev) 
271-mashq.
  Mashhur  sportchi,  olimpiada  chempioni  Ruslan 
Nuriddinovning  gaplariga  e’tibor  bering.  Siz  ham  chempion  bo‘lishni 
xohlaysizmi?  Unda  ko‘proq  kitob  o‘qing! 
http://eduportal.uz

---

123
Tarixiy  kitoblarni  ko‘p  o‘qiyman.  Ular  menga  ilhom  beradi, 
dunyoqarashimni  kengaytiradi.  Qayerga  borsam,  o‘sha  yerning 
tarixini  yaxshiroq  o‘rganishga  harakat  qilaman.  Tarix  kitoblarida 
urushlar  haqida  ham  yoziladi.  Urushni  yomon  ko‘raman.  Tinch 
yurtda  tug‘ilib,  tinchliksevar  odamlar  orasida  ulg‘ayganim  uchun 
eng  qadrli  ne’mat  tinchlik-osoyishtalik  ekani  kitob  o‘qiyotganimda 
ham  xayolimdan  ketmaydi.
1.  Matnda  hikoya  maqsadi  deganda  nimani  tushundingiz?
2.  Voqea-hodisalarni  tasvirlash  bilan  bog‘liq  matnlar  qanday 
ataladi?
3.  Matnda  mulohaza-muhokama  maqsadi  qay  tarzda  yuzaga 
chiqariladi?