Microsoft Word ihyo ulimdan sung ziyouz com doc

www.ziyouz.com kutubxonasi 

11

xalaqit beradimi? — so‘radilar Allohning rasuli. 

— Yo‘q, deyishdi. 

Shunda Rasululloh dedilar: 

— Nafsim izmida bo‘lgan Zotga qasamki, Rabbingizni ko‘rishga ham hech narsa 

xalaqit berolmaydi. Banda Parvardigoriga yuzma-yuz qilinadi, Alloh taolo bandasiga 

deydi: «Seni mahluqotning eng mukarrami va sayyidi qilmaganmidim? Seni jufti xaloling 

bilan qo‘shmaganmidim, ot va tuyalarni senga bo‘ysundirmaganmidim?..» 

— Ha, shunday, deydi bandasi. 

— Menga albatta yuzma-yuzma bo‘lishingni o‘yladingmi? — so‘raydi Alloh taolo. 

— Yo‘q, deydi bandasi. Shunda Alloh taolo bandasiga: 

— Meni unutganing kabi Men ham seni unutdim, deydi» (Imom Muslim rivoyati). 

Uyla va tasavur et, ey miskin! Farishtalar yelkangdan ushlagan ko‘yi Allohning oldida 

turibsan, so‘rokqa tutilyapsan: «Yigitlikni senga ne’mat etib berdim, uni nimalarga 

sarflading? Umrni muhlat etib berdim, uni qaylarga sovurding? Senga rizq o‘laroq mol 

berdim, halol yo‘l bilan topdingmi, infoq qildingmi? Seni ilm bilan mukarram etdim, 

bilganlaringga amal qildingmi? 

Alloh O’zining ne’matlarini va sening gunohlaringni, O’zining yaxshiliklarini va sening 

yomonliklaringni birma-bir sanayotgan paytda xijolatu sharmandalikdan qanday ahvolga 

tushasan? Agar inkor qilsang, a’zolaring senga qarshi guvohlik beradi. 

Anas roziyallohu anhu dedi: «Rasululloh sollallohu alayhi vasallam bilan birga edik. 

Bir payt u zot jilmayganday bo‘ldilar va daf’atan: 

— Bilasizlarmi, nega kuldim? dedilar. 

— Alloh va Uning rasuli bilguvchiroq, dedik. 

— Bandaning o‘z Parvadigori bilan bo‘layotgan suhbati meni kuldirdi. Banda: «Ey 

Rabbim, meni zulmdan qaytarmadingmi? deydi. «Qaytardim» - deydi Alloh taolo. 

Shunda banda: «Rabbim, nafsimga o‘zim tomondan bir guvoh bo‘lsin» deya so‘radi. 

«Nafsing seni bugun hisob-kitob kilishga, «kiromin kotibin» amallaringni yozib boruvchi 

farishtalar guvohlikka kifoyadir» dedi Alloh taolo. 

Keyin bandaning og‘zi muhrlanadi, a’zolarga «Gapiring!» deya amr qilinadi. A’zolar 

bandaning barcha ishlarini birma-bir aytadi. Keyin bandaga so‘zlash ixtiyori beriladi, 

Banda afsus-nadomatlar bilan a’zolariga qarata: «Sizlarga halokat bo‘lsin, men sizlarni 

qanday ayardim-a?!» deydi (Muslim rivoyati). 

Ey Alloh! Mo‘minning gunohini bekitib, O’zingdan o‘zgaga bildirmaslik va’dang bor. 

A’zolar egasiga qarshi guvohlik bergan paytda xaloyiq oldida sharmanda bo‘lishdan 

O’zing asra. 

Bir kishi Ibn Umardan so‘radi: «Payg‘ambar alayhissaom «najva» ( sirlashuv) haqida 

nima deganlar?» Payg‘ambar alayhissalom (bu haqda) aytadilar. Kimdir 

Parvardigoringizga yaqin boradi. Parvardigori olam u kishini himoyasiga olib: «Falon-

falon ishlarni qilding!» deydi. «Ha, qildim» deydi bandasi. «Falon-falon ishlarni ham 

qilding!» deb Alloh unga yana boshkd amallarini ham eslatadi. «Ha, qildim» deya banda 

barchasini tan oladi. Shunda Alloh taolo: «U (foniy) dunyoda gunohlaringni yashirdim. 

Bu Kun (Qiyomatda) ularni kechiraman» deydi» (Muslim rivoyati). 

Rasululloh sollallohu alayhi vasallam dedilar: «Kimki bir mo‘minning aybini bekitsa, 

Qiyomatda Alloh taolo uning aybini bekitadi». Allohning bu marhamati odamlarning 

ayblarini bekitadigan, ularning nuqsonlariga toqat etib, yomonliklarini ovoza 

qilmaydigan, g‘iybatdan tiyiladigan mo‘min bandalar uchun umid etiladigan nasibadir. 

Zero, bunday mo‘min banda Qiyomatda ayni amaliga muvofiq mukofotlanishga 

munosibdir. 

Nega parishonsan, xayollaring qayga sochilgan? O’zingni yig‘ib, bir jiddiy o‘yla. Alloh 

---

Ihyou ulumid-din. O’limdan so’ng. Imom G’azzoliy