|
II.4. XIII-XIX a’sirlerde Batis Evropada Orta Aziya haqqindag’i tariyxiy-
geografiyaliq ha’m kartografiyaliq mag’liwmatlar
XIII a’sirge kelip Batis Evropa kartografiyasinda tu’pten burilis da’wiri
baslandi. Tekst formasindag’i mag’liwmatlar grafik su’wretler- kartag’a ko’shti.
Shig’is ma’mleketlerge sayaxat qilg’an ko’plep sayaxatshilardin’
Orta Aziya
haqqindag’i mag’liwmatlari kartografiyaliq xarakterge iye boldi.
XIII a’sirde papa Innokentiy IV tin’ Shin’g’isqannin aldina jibergen jiobergen
elshisi fransiskan monarxi Plano Karpini 1246-jilda Rossiyanin’ qublasi, Orta
Aziya aymaqlarinan o’tip, Qaraqumg’a baradi.
A’ynen onin’ Orta Aziya
haqqindag’i mag’liwmatlari Evropa ushin Orayliq Aziyag’a bariwshi qurg’aqliq
jollari haqqinda ken’nen derek bolip xizmet etti.
Plano Karpini Tatariya (Orta Aziya) nin’ geografiyaliq jag’dayin to’men
degishe ta’riypleydi: ,,… shig’ista qitaylardin’, sonday-aq, Solan’liqlardin’
(Manchjuriya) jerleri, qubladan sorrasinler (Awg’anistan, Iran), qubla-batistan
guirler (mongollar), batista naymanlar walayati; arqada bolsa okeanlar menen
shegeralang’an‘‘.
Planino Karpini o’zinin‘ sayaxat bag’dari haqqinda bayan etip, komanlar
jurtinan son‘ qang’itlar (Qan’lar) jeri baslaniwin, suw kem bolg’aninan adamlar bul
jerlerde kem jasawin, ol jerden bisermanlar jerlerine qarap jol alg’anliqlarin, bul
jerde u’lken darya bolip, onin‘ atin bilmegenligin, lekin onin‘ boyinda Yankent,
Barchin, Ornas ha’m o’zleri bilmegen ja’ne basqa qalalar barlig’i haqqinda
jazg’an.
Plano Karpinige ko’re, Orta Aziyada U’lken taw sistemalari bar bolip, olar
qubladan Ierusa’lim ha’m Balxqa tutasip ketken. Bunday aniq emes mag’liwmatlar
Karpinidin‘ esabatlarinda ko’p ushiraydi, onin‘ mag’liwmatlarinda ilimiylik
bolmasada, biraq Evropa pa’nine OrtaAziya ha’m shig’is ma’mleketleri haqqinda
mag’liwmat bergeni menen bahali esaplanadi.
Ekinshi bir elshi Vilgelm de Rubruk (Rubrukvis) mongollar ma’mleketine
francuz qurali Lyudovik IX ta’repinen jiberilgen bolip, solda’wirde francuzlar
altinshi salip ju’risinde qatnasip atirg’an edi. Rubruk Arka qalasinan 1252-jildin‘
ba’ha’rinde jolg’a shig’ip, ten’iz arqali Konstantinopilg’a keledi. Biraq bul jerde ol
1253-jildin‘ may ayina deyin qalip ketedi.
Sonnan keyin ol Qrimg’a keledi. Onin’ sayaxat bag’dari Karpinidin’ sayaxat
bag’darina usaydi. Etil daryasinan Ural daryasina deyin jol basip, Sirdarya
basseynine keledi ha’m bul jerden qubla-shig’isqa jol aladi. Jeti ku’n dawaminda
taw jollarinan, ba’lkim Alatawdin’ arqa-batis bo’leginen o’tip, Talas daryasinin’
alibi ha’m Kenchat qalasina jetip keledi. Bul haqqinda to’mendegishe jazadi: ,,Men
bul tawlar haqqinda sorap, onin’ Kavkaz tawlarinin’ dawami ekenligin bildim. Ol
Batis ha’m shig’istan Ka’spiy ten’izi menen tutasqan. Etil daryasi quyiliwshi bul
ten’izden o’tkenimizdi de bildim” . Rubruk bul jerde antic geograflar pikirine
qosilip, Tyanshandi Kavkaz tawlari menen baylanistirip, Alatawdi Kavkaz
tawlarinin’ dawami, dep qa’te piker ju’ritken.
Biraq Rubruktin’ Orta Aziya haqqindag’i basqa geografiyaliq mag’liwmatlari
qimbatli esaplanadi. Misali, Talas alabindag’i suwg’ariw qurilmalari ha’m
diyqanshiliq ma’deniyati haqqinda jazip, to’mendegilerdi aytip o’tedi: ,, Tawdan
(talas dizbeklerinen) u’lken darya (Talas) baslanadi, ol pu’tkil ma’mleketti suw
menen ta’minleydi… Bul darya hesh qanday ten’izge quyilmaydi, jergew sin’ip,
ko’p batpaqliqlardi payda etedi” .
Rubruktin’ Kaspiy ten’izi haqqindag’i mag’liwmatlarida da qiziqarli
esaplanadi: ,, Ten’iz u’sh ta’repten oralg’an bolip, arqa bo’legi tegisliklerge
tutasqan…Ten’izdi to’rt ayda aylanip shig’iw mu’mkin… Ol hesh qanday okeang’a
tutaspaydi. Ha’mme ta’repi qurg’aqliq penen shegaralas” .
Rubruk Evropa a’debiyatinda da’slepki ret Orta Aziya relefinin’ qa’siyetlerin
tawlar menen baylanistirip aship berdi. Onin’ mag’liwmatlarinin’ en’ a’hmiyetli
ta’repi sonda, ol o’z ko’zleri menen ko’rgen na’rselerdi jazg’an. Batis Evropaliqlar
Aziyag’a tek g’ana diplomatic yaki missionerliq maqsetinde emes, ba’lkim sawda-
satiq ma’npaa’tlerinde oylap sayaxat etken.
1295-jilda Veneciyaliq sayaxatshi Marko Polo Aziyag’a bolg’an saparin
o’zinin’ ,,Dunyanin’ ren’-beren’ligi haqqinda kitap” (qisqasha Marko Polo
“Kitab”i ) dep atalg’an shig’armasinda jazip qaldirg’an.
1271-1295-jillarda Marko Polo sawda qatnasiqlarin jolg’a qoyiw maqsetinde
Qaraqumg’a jol aladi. Ol ha’m onin’ sherkleri Akra-Musil-Bag’dad-Basra-Hurmuz-
Kirmon-Sabzovar-Balx-Qashqar bag’dari boyinsha Qaraqumg’a Xubiliyan aldina
keledi. Marko Polo bir neshe jil onin’ sarayinda xizmette boladi ha’m 1294-1295-
jillarda ja’ne Hurmuz-Kirmon-Tabriz-Tarabzun arqali o’z jurtina qaytadi.
Marko Polo o’z kitabinda Samarqand qalasi haqqinda da qiziqarli
mag’liwmatlar bergen. XIV-XVI a’sirlerde Marko Polonin’ «Kiab»i Evropa
kartograflari ushin derek sipatinda xizmet qildi. Onin’ Orayliq Aziya haqqindag’i
geografiyaliq mag’liwmatlari 1375-jildag’i Katalon ha’m Fra Maunnin’ shen’berlik
kartalarinda o’z ko’rinisin tapti
Do'stlaringiz bilan baham: | 
