Bayramlar V a tadbirlar

1 -  boshlovchi:  —  Mumtoz  adabiyotimiz,  tarixiy  asarlarimizni 

mutolaa  qilishdan  aslo  erinmang!  Undagi  zarra-zarra  ganjlarni 

oling,  buyuk  ajdodlarimizga  bosh  egib,  ularga  munosib  voris 

bo'ling,  deya  bugungi  kechamizga  yakun  yasaymiz.

(Quyida  O'zbekiston  xalq  shoiri  Mahmud  Toyir  qalamiga 

mansub  «Hikmat  va  ibrat»  she'ridan  ham  mazkur  tadbirda 

foydalanishingiz  mumkin).

48

---

HIKMAT  VA  IBRAT

Men  moziydan  hikmat  so'radim, 

Navoiydan  madad  so‘radim. 

Tuproq  bo'lib  hazrat  poyida, 

Hikmatidan  bir  gard  so'radim.

Izlaridan  chopayin,  dedim,

Dilga  davlat  topayin,  dedim. 

Baringizning  bitta  ipini 

Ruxsat  bering,  o'payin,  dedim.

So'nmasin  nur  dillilar  dedim,

Dilli  bo'lsin  bedillar  dedim. 

Bobolarim  hikmatgo'y,  orif, 

Hikmatga  zor  ko'ngillar  dedim.

Bobur  balqib  boshimda  turdi,

Va  lekin  ko'z  yoshimda  turdi.

Dedi:  —  «Bo'tam,  Vatan  sog'inchi 

Zahar  bo'lgan  oshimda  turdi».

0 ‘ngimdan  ham  bir  oh  keldi-da, 

So'limdan  ham  bir  oh  keldi-da. 

Ko'zlarimning  ikki  chetidan 

Ko'zyosh  emas,  siyoh  keldi-da.

Mashrab  bo'lib  dorda  turibman, 

Cho'lpon  bo'lib  zorda  turibman. 

Gul  yoshimda  kul  qilsalar  ham, 

Hur  oh  bilan  —  orda  turibman.

Bobolarim  komilu  komron, 

Bobolarim  ashraful  inson. 

Hikmatidan  ibratlar  olib, 

Hikmatlanib  turibdi  jahon.

---

Siz  el  ichra  omon-omonsiz,

She’riyatda  shohi  jahonsiz.

Ta’zim  Sizga,  hazrat  Navoiy,

Ta’zim  Sizga,  hazrati  Bobur.

Siz  o'zbekka  shon  ichra  shonsiz,

Ori  osmon  O'zbekistonsiz!