Toshkent davlat yuridik universiteti mamasiddiqov muzaffarjon musajonovich esanova zamira normurotovna

Kassatsiya  instansiyasi  sudining  ishni  ko‘rish  doirasi  (FPKning 
416-moddasi)
 
sud  ishni  kassatsiya  tartibida  ko‘rayotganida  sud 
hujjatlarining  qonuniyligi,  asoslantirilganligi  va  adolatliligini  tekshiradi. 
Sud yangi dalillarni o‘rganib chiqishi va yangi faktlarni aniqlashi mumkin. 
 
Kassatsiya  instansiyasi  sudi  hay’at  tarkibida  ishni  ko‘rib  chiqadi, 
ishni  yakuni  sifatida  ajrim  chiqaradi,  bunday  ajrim  esa  darhol  qonuniy 
kuchga kiradi. 
 
19.3. Qonuniy kuchga kirgan hal qiluv qarorlari, ajrimlar va 
qarorlarni nazorat tartibida tekshirish 
O‘zbekiston Respublikasi Fuqarolik protsessual kodeksining 46-bob 
(422-436-moddalar)i  qonuniy  kuchga  kirgan  hal  qiluv  qarorlari,  ajrimlar 
va  qarorlarni  qayta  tekshirish  masalalariga  bag‘ishlangan  bo‘lib,  ushbu 
institutning maqsadi va vazifasi qonuniy kuchga kirgan hal qiluv qarorlari, 
ajrimlar  va  qarorlarni  qonuniy,  asosli  va  adolatli  ekanligini  tekshirishga 
qaratilgan.  
Sud qarorlarini nazorat tartibida tekshirishning mazmuni quyidagilarda ko‘rinadi: 
Birinchidan, ushbu institut fuqarolik protsessining muhim va mustaqil bosqichi sanaladi; 
Ikkinchidan,  qonuniy  kuchga  kirgan  hal  qiluv  qarorlari,  ajrimlar  va  qarorlarni  nazorat 
tartibida tekshirish faoliyatini amalga oshiradi; 
Uchinchidan,  qonuniy  kuchga  kirgan  hal  qiluv  qarorlari,  ajrimlar  va  qarorlarni  nazorat 
tartibida tekshirish orqali ularning qonuniy, asosli va adolatli ekanligini ta’minlaydi;