Toshkent davlat yuridik universiteti mamasiddiqov muzaffarjon musajonovich esanova zamira normurotovna

 
 
 
 

---

 
FUQAROLIK PROTSESSUAL HUQUQI  
 
 
19-BOB. SUD HUJJATLARINI QAYTA KO‘RISH 
(APELLATSIYA, KASSASIYA, NAZORAT TARTIBIDA VA 
YANGI OCHILGAN HOLATLAR BO‘YICHA QAYTA KO‘RISH) 
 
19.1. Birinchi instansiya sudining hal qiluv qarorlari va ajrimlari 
ustidan  apellatsiya  shikoyati  berish  (protest  keltirish)  (asoslari, 
protsessual tartibi, vakolatlari)                                                                                    
Respublikamizda  olib  borilayotgan  sud-huquq  islohotlarining 
mantiqiy  davomi  sifatida  2000  yil  14  avgustda  O‘zbekiston  Respublikasi 
Prezidentining 
“O‘zbekiston 
Respublikasining 
sud 
tizimini 
takomillashtirish  to‘g‘risida”gi  Farmoni
25
ning  e’lon  qilinishi,  2000-yil  
14-dekabrda  O‘zbekiston  Respublikasining  “Sudlar  to‘g‘risida”gi 
Qonunining  qabul  qilinishi  va  shu  asosda  2000-yil  14-dekabrda 
O‘zbekiston Respublikasining Fuqarolik protsessual kodeksiga apellatsiya, 
kassatsiya  institutlariga  oid  yangi  bobning  vujudga  kelishi  bilan  bog‘liq 
o‘zgartirish va qo‘shimchalar
26
ning kiritilishi umumiy yurisdiksiya sudlari 
tarkibida  fuqarolik  va  jinoyat  ishlari  bo‘yicha  sudlarning  ixtisoslashuvi, 
sud  qarorlarini  apellatsiya  tartibida  qayta  tekshirish  institutining  joriy 
etilishi,  fuqarolarning  huquq  va  qonuniy  manfaatlari  hamda  erkinliklarini 
himoya  qilinishi  kafolatlarini  yanada  kuchaytirish  maqsadlari  va 
vazifalarini kafolatlaydi. 
2018-yil  1-apreldan  e’tiboran  kuchga  kirgan  O‘zbekiston 
Respublikasi  Fuqarolik  protsessual  kodeksining  44-bobi  (383-402-
moddalar) “Apellatsiya instansiyasi sudida ish yuritish”ga bag‘ishlangan. 
Apellatsiya  tartibida  ish  ko‘rishning  asosiy  mazmuni  birinchi 
instansiya  sudining  qarorlarini  qonunda  belgilangan  asoslar  va 
muddatlarga  muvofiq,  vakolatli  organlar  tomonidan  apellatsiya  tartibida 
qayta ko‘rilishiga aytiladi.  
Ushbu  faoliyatning  ahamiyati  shundaki,  birinchi  instansiya  sudlari 
tomonidan chiqarilgan sud qarorlarini qayta tekshirish vositasi hisoblanib, 
bu  bosqich  orqali  sud  qarorlarining  qonuniy,  asosli  va  adolatli  ekanligi 
tekshiriladi,  shu  tariqa  fuqarolarning  buzilgan  huquq  va  qonuniy 
manfaatlarining himoya qilinishiga erishiladi.