Toshkent davlat yuridik universiteti mamasiddiqov muzaffarjon musajonovich esanova zamira normurotovna

Odil  sudlovning  faqat  sud  tomonidan  amalga  oshirilishi  prinsipi. 
O‘zbekiston Respublikasining “Sudlar to‘g‘risida”gi Qonuni 3-moddasiga ko‘ra, 
O‘zbekiston  Respublikasida  odil  sudlov  faqat  sudlar  tomonidan  amalga 
oshiriladi.  Mazkur  prinsip  O‘zbekiston  Respublikasi  Fuqarolik  protsessual 
kodeksining 7-moddasida ham mustahkamlangan bo‘lib, unga ko‘ra Fuqarolik 
ishlari  bo‘yicha  odil  sudlov  faqat  sud  tomonidan,  FPKda  belgilangan 
qoidalar bo‘yicha amalga oshiriladi. 
Qonun  va  sud  oldida  tenglik  prinsipi.  O‘zbekiston  Respublikasining 
Konstitutsiyasi,  FPKning  8-moddasi  va  “Sudlar  to‘g‘risida”gi  Qonunning  
6-moddasida belgilangan. Unga ko`ra, qonun va sud oldida tenglik prinsipi odil 
sudlovni  amalga  oshirishda  katta  ahamiyat  kasb  etadi.  Fuqarolik  ishlari 
bo‘yicha  odil  sudlov  fuqarolarning  jinsi,  irqi,  millati,  tili,  dini,  ijtimoiy 
kelib chiqishi, e’tiqodi, shaxsiy va ijtimoiy mavqeidan, tashkilotlarning esa 
tashkiliy-huquqiy  shaklidan,  mulkchilik  shaklidan,  joylashgan  yeri, 
shuningdek  boshqa  holatlardan  qat’i  nazar,  qonun  va  sud  oldida  tengligi 
asosida amalga oshiriladi.