Ўзбекистон республикаси мактабгача таълим вазирлиги мактабгача таълим муассасаларида таълим

Ўз қўлимиз билан “Светофор” ясаймиз
Мақсад: картондан светофор ясашни билади. Ташландиқ материаллардан фойдалана 
олади. Ўз ишига жавоб беради.
Жиҳоз ва материаллар: рангли қоғоз ва картон, қайчилар, елим, қутилар, пластелин, 
табиат материаллари (барглар, навдалар, уруғ ва бошқалар).
Фаолиятнинг бориши:
1. “Шаҳардаги светофор” мавзусидаги расмни кўриш; 
2. Светофор ясаш учун столни тайёрлаш; 
3. Қаттиқ қора картондан тўғри туртбурчак шакл кесиб олиш;
4. Доира шаклидаги шаблонни тайёрлаш ва тўртбурчакда 3 та доира ҳосил қилинади; 
5. Кесилган доираларга қизил, сариқ, яшил рангли картонлардан доиралар кесилади ва 
қора картондаги тешикларга ёпиштирилади; 
6. Тўғри тўртбурчакнинг ён томонларига ҳам қора картондан кесиб тайёрланган 
туртбурчаклар ёпиштирилади; 
7. Ҳаракатлантирувчи қисмлар ўрнатилади; 
8. Болаларнинг фаолият натижасини муҳокама қилиш.
Қўшимча қисм: кўргазма ташкил этилади. Мавзу бўйича шеър ёки қўшиқ ижро 
этилади.
Эътиборга молик жиҳати:
1. Болаларнинг гигиеник талабларга риоя қилган ҳолда ишлашларига; 
2. Бир-бирларини ҳурмат қилишга; 
3. Тасаввурларини кенгайтириш, боғланган нутқини а, майда қўл моторикасини 
ривожланишига; 
4. Ҳаёт ҳавфсизлиги асослари.
 
Сюжетли-ролли ўйин ва драматизация 
Шаҳар кўчалари 
Мақсад: тасаввурларида ўйинларни шакллантириш. Бир ўйин мазмунида бир нечта 
ўйинни бирлаштиришга ўргатиш. Одамлар ҳаёти, уларнинг ўзаро муносабати, бир-бирларига 
боғлиқлиги ҳақидаги тушунчаларни кенгайтиришни давом эттириш.
Жиҳоз ва материаллар: светофор макети, йўл белгалари, ўйинчоқ машиналар, 
аравачалар, ДАН ходими иш қуроллари, “Дўкон”, “Гўзаллик салони”, уйлар макети.
Фаолиятнинг бориши:
1. Мавзу асосидаги расмларни кўриш; 
2. Болалар билан шаҳарнинг қайси кўчасига сайр уюштириш режасини тузиш; 
3. Хўжаликни болалар билан бирга юритиш;
4. Касалхонага мурожаат қилиш; 
5. Дўконга харид учун бориш.