O‘zbekiston respublikasi oliy va o‘rta maxsus ta’lim vazirligi o‘rta maxsus, kasb-hunar ta’limi markazi j. R. Qulmuhamedov, K. M. Nazarov

Bevosita rahbarlik qiladi:
 – harakat xavfsizligi xizmatining ishiga;
 – jamoa orasida olib boriladigan tarbiyaviy ishlarni va usullarni 
mukammallashtirishga;
 – yo‘l-transport hodisalarining xizmat ekspertizasini o‘tkazishga.
Choralar ko‘radi:
 – ATX ishchi-xizmatchi xodimlarining ishlash va dam olish 
sharoitini yanada yaxshilash uchun;
 – yo‘lda buzilib qolgan transport vositalariga texnik yordamni 
tashkil etish uchun;
 – haydovchilarning malaka va bilimini yanada oshirish uchun va 
hokazo.

---

150
Ishlab chiqarish texnika bo‘limining harakat  
xavfsizligi bo‘yicha vazifalari
Ishlab chiqarish texnika bo‘limi ATXning bosh muhandisining 
rahbarligi ostida transport vositalarining o‘z vaqtida texnik 
tayyorgarligini ta’minlash yo‘li bilan harakat xavfsizligini 
ta’minlashda bevosita ishtirok etadi. Bo‘lim va uning qaramog‘idagi 
sex va uchastkalar transport vositalarining texnik holatiga tegishli 
yo‘riqnomalar, buyruqlar va boshqa me’yoriy hujjatlar asosida 
faoliyat ko‘rsatadi va quyidagi masalalarni yechishlari kerak:
 – harakatlanuvchi tarkibga reja bo‘yicha sifatli texnik xizmat 
ko‘rsatish;
 
– 
tekshirish vaqtida aniqlangan yoki haydovchi tomonidan 
ko‘rsatilgan texnik nosozliklarni bartaraf etish;
 – transport vositalarining harakat xavfsizligiga bevosita ta’sir 
qiluvchi mexanizm va qismlarning texnik holatini diagnostika 
qilishni tashkil etish;
 – ishga chiqayotgan va ishdan qaytgan transport vositalarining 
texnik holatini nazorat qilish, postlarning ishini tashkil etish va 
sifatini yaxshilash;
 – yo‘lda buzilib qolgan transport vositalariga texnik yordamni 
tashkil etish;
 – ATX rahbari tomonidan tasdiqlangan reja asosida transport 
vositalarini ta’mirlashning yangi texnologiyalarini joriy etish;
 
– 
ta’mirlovchilar va haydovchilarning bilim va malakasini 
oshirishni tashkil etish;
 – kadrlar bo‘limi bilan birgalikda haydovchilarning amaliyot 
o‘tashini tashkil etish va boshqalar.