Pedagogika 016, 1-son Bosh muharrir

PEDAGOGIKA
2016, 1-son
 
 
32 
yosh bilan bog‘liq jihatlari, kasbiy faoliyatida ijobiy motivatsiyaning mavjudligi 
kabi ta’lim muassasasi jamoasining asosiy tavsifiga tayanadi. 
4. Rejaning obyektivligi. Mazkur tamoyilga kо‘ra rejalar MTM faoliyatini 
chuqur va har tomonlama pedagogik tahlil etgan holda va mazkur yilda 
erishiladigan natijalar bilan ta’lim muassasasining obyektiv shart-sharoitlari 
bog‘liqligida ishlab chiqiladi. 
5. Aniqlik. Eng, avvalo, mazkur tamoyil ta’lim-tarbiya jarayoni, moddiy baza, 
kadrlar ta’minoti holati haqida ishonchli va kо‘p hajmli axborot olishni talab etadi.
6. Majmuaviylik. Mazkur tamoyilning muhim talabi о‘quv va tarbiyaviy 
ishlar hamda ularning moddiy-texnik ta’minoti tashkiliy jihatdan о‘zaro aloqador 
va о‘zaro bog‘liqlikda amalga oshirilishida о‘qituvchilar, ota-onalar va jamoat 
tamonidan ta’lim muassasalari yillik rejalarining о‘zaro aloqadorligi va 
ma’qullangan bo‘lishidir. 
7. Jamoaviylik. Mazkur tamoyil о‘quv-tarbiyaviy jarayonda barcha 
о‘qituvchilarning ishtirok etishini talab etadi.
Yuqoridagilardan kо‘rinadiki, umumiy о‘rta ta’lim muassasasi faoliyatini
rejalashtirish о‘z navbatida shu sohaga doir qarorlar, islohot talablarini amalga 
oshirish, hayotga tatbiq qilish dasturi hamdir, shuning uchun rejalashtirish 
UО‘TMning о‘z oldiga qо‘ygan vazifalarini bir maromda, ketma-ket hal qilishga 
xizmat qiluvchi vosita hisoblanadi. U asosiy masalani e’tibordan chetda qoldirib, 
mayda-chuyda ishlarga о‘ralashib qolishdan asraydi. Bundan tashqari reja bilan 
ishlash belgilangan maqsadni oldindan kо‘ra bilish imkonini beradi va reja 
boshqaruvning maqsadi, mazmuni, ularni amalga oshirish usullarini aniqlashga 
xizmat qiladi. 
Demak, tо‘g‘ri amalga oshirilgan rejalashtirish xatoga yо‘l qо‘yishdan asrash 
bilan birga, ularni takrorlamaslik, kamchiliklarni bartaraf qilish vositasi hamdir. 
Reja ta’lim muassasasi ichki boshqaruvi yaxlitligini ta’minlab, uning natijalarini 
nazorat qilish asosida bо‘g‘inlar о‘rtasida uzviylikni ta’minlaydi. 
Strategik rejalashtirish – ta’lim muassasasining qо‘yilgan maqsadlarga 
erishishini ta’minlaydigan strategiyalarni amalga oshirishga rahbarlik qiluvchi 
shaxslar tomonidan aniq harakat va qarorlarning belgilab olinishi S. Turg‘unov 
fikricha, strategik rejalashtirish ta’lim muassasasining maqsadlaridan kelib chiqib 
amalga oshirilishi zarur bо‘lgan vazifalarni belgilash, mazkur vazifalarni amalga 
oshirish uchun boshqaruv funksiyalari, metodlari hamda maqsadlarini aniqlash 
va amalga oshirish yuzasidan strategik rejalar ishlab chiqish jarayoni bо‘lib, bunda 
maqsad va vazifalarning ilmiy asoslanganligi, belgilangan muddatlarning aniqligi 
va obyektivligi, ijrochilarning bilimi va kasb mahorati, tashqi muhit ta’siri, fan-

---