Guliston davlat universiteti kafedra "iqtisodiyot" soliq va soliqqa tortish

4- Mavzu: Egri soliqlar va ularning iqtisodiy mohiyati 
 
Ko‟rib chiqiladigan asosiy savollar: 
 
1.  Qo‘shilgan qiymat solig‘ining iqtisodiy mohiyati va soliqni hisoblash tartibi. 
2.  Aksiz solig‘ining iqtisodiy mohiyati va byudjet daromadlarida tutgan o‘rni.  
 
Mavzuga  oid  tayanch  tushuncha  va  iboralar:    Qo‘shilgan  qiymat,  chegirish  usuli, 
hisobga  olish,  qo‘shish  usuli,  soliq  solinadigan  oborot,  soliq  solinadigan  import,  moliyaviy 
xizmatlar, aksiz, aksiz osti tovarlari. 
 
1-asosiy savol bayoni: 
 
Qo„shilgan qiymat solig„i haqida tushuncha. Soliqning iqtisodiy mohiyati va uning 
joriy  qilinishi.  Hozirgi  vaqtda  O‗zbekiston  va  xalqaro  soliq  amaliyotida  egri  soliqlarning 
asosiy turlaridan biri – qo‗shilgan qiymat solig‗i hisoblanadi. 
Qo„shilgan  qiymat  solig„i  –  har  bir  ishlab  chiqarish  bosqichida    va  realizatsiya 
jarayonida undiriladigan ko‗p qirrali bilvosita soliqdir. Korxona kundalik xo‗jalik faoliyatida 
mahsulot etkazib beruvchilardan tovar va xom-ashyo sotib oladi va ulardan mahsulot yoki ish, 
xizmatlar  ishlab  chiqaradi.  Demak,  qayta  ishlab  chiqarish,  ishlab  chiqarish  va  sotishda   
qo‗shilgan qiymat yaratiladi.