Кичик гуруҳ (3-4 ёш)

Чиниқтириш ва соғломлаштириш ишларини ташкил этиш.
Эрталабки бадантарбия. Эрталабки бадантарбия вақтида болани юриш, 
сакраш ҳамда қўл ва оёқ гавдага мўлжалланган машқларни фаол 
бажаришга одатлантириш. Ҳар куни катталар назоратида бадантарбия 
машқларини очиқ ҳавода (хонада бўлганда дарчаларни очиб қўйган ҳолда) 
бажариш. Қўл, оёқ, гавдани ривожлантирувчи машқларни аниқ ва 
изчиллик билан бажариш, қоматни тўғри тутишни ўргатишда давом этиш. 
Чиниқтириш. Ҳар қандай об-ҳавода ҳам ҳаракатли ўйинларни 
ўйнаш. Уйқуга ётишдан олдин хонани шамоллатиш, юз-қўлни, оёқларни, 
тишларни ювиш; хона ҳароратидаги сувда ҳўлланган губка ёки пахмоқ 
қўлқоп билан дастлаб қўлларни, кейин оёқларни, кўкракни, қорин ва 
орқани тескари йўналишда тери қизаргунча артиш. Сув ҳароратини ҳар 
куни 1
0 
С ҳароратдан пасайтириб бориш.
Қоматни тўғри тутиш. Қомат ўзгаришининг олдини олишга ёрдам 
берувчи жисмоний машқларни мунтазам равишда бажариш (“Қайиқча”, 
“Мушук”, “Велосипед ҳайдаш”, “Бешик”). Стол атрофида ўтирганда, уйқу 
вақтида гавдани тўғри тутишига эътибор бериш. Қўл икки ёнда, бошни 
салгина кўтарган ҳолда олдинга қараш. 

---

83 
Ҳаракатлантирувчи тартиб. Ҳар кунги сайрларда фаол қатнашиш; 
очиқ ҳавода тўп, арқон, бадминтон ўйнаш, ўйин қоидаларига риоя этиш, 
тезкорликни, эпчилликни ривожлантириш. Бир неча ҳаракатли 
ўйинларнинг мазмуни ва қоидаларини билиш, уларни ташкил этишга 
ундаш. 
Маданий-гигиеник кўникмаларни ривожлантириш. Болани 
овқатланиш гигиенаси, ухлаш ва шахсий гигиена қоидаларига риоя 
этишини таъминлаш; тартибли ва озода бўлишга интилиш ҳиссини 
тарбиялашда давом этиш. Боланинг мустақил кийиниши ва ечинишини 
рағбатлантириш; бу ҳаракатларнинг белгиланган изчиллигига риоя қилиш 
(тугмаларни қадаши, пойабзалининг ипини боғлаши); кийимини яхшилаб 
тахлаб, илгичга осиш; ўз вақтида тартибга келтириш (тозалаш, қуритиш 
в.б.) кераклигини уқтириш орқали мунтазам меҳнат қилишга ўргатиб 
бориш.
Болага гигиена тўғрисидаги китоблар кўрсатиш, расмлар томоша 
қилиш, ҳикоя, эртак ва шеърлар ўқиш; аста-секин гигиена бўйича 
топшириқлар бериб бориш ҳамда соғлом овқатланиш ҳақида 
суҳбатлашиш.