Кичик гуруҳ (3-4 ёш)

Сенсомоторикани ривожлантириш. Бола билан тузилиши турлича 
бўлган нарсалар, озиқ-овқатлар, уларнинг таъми ва ҳидини ажрата олишга 
ёрдам берадиган машқларни бажариш; овқат тайёрлаш жараёнларига жалб 
қилиш ва у билан ўйнаш. 
Кичкинтойга юзаси турлича (дағал, силлиқ, майин, ёпишқоқ) бўлган 
буюмларни бериш; бола билан ҳайвонларнинг (кучук, мушук, от ва б.) 
ҳаракатларига тақлид қиладиган ўйинлар ўйнаш; овоз қаердан 
келаётганлигини топиши ва чиқаётган овоз томон ҳаракатланишини 
рағбатлантириш. 
Чиниқтириш ва соғломлаштириш ишларини ташкил этиш. 
Эрталабки бадантарбия. Ҳар куни эрталаб бадантарбия қилиш, 
ҳаракатларни намунага мувофиқ бажариш. Бадантарбияни очиқ ҳавода, 
енгил кийимда бажариш ва сув муолажалари билан тугаллаш (катталар 
кўмагида). 
Чиниқтириш. Мавсумий ўзгаришларга қараб, очиқ ҳавода кўпроқ 
бўлиш. Катталар назоратида кичик сув ҳавзаси (бассейн)да чўмилиш 
(гигиена талабларига амал қилган ҳолда). 
Қоматни тўғри тутиш. Катталарнинг назорати остида жисмоний 
машқларни мунтазам бажариш. Тўғри қоматни шакллантириш, 
ясситовонликнинг олдини олишга ёрдам берадиган машқларни 
бажартириш.

---

38 
Ҳаракатлантирувчи тартиб. Ҳар кунги сайрларда иштирок этиш. 
Ҳаракатли ўйинларда, жисмоний машқлар пайтида турли спорт 
анжомлари ва ўйинчоқлар билан фаол ҳаракат қилишга ундаш. 
 
 Маданий-гигиеник 
кўникмаларни 
ривожлантириш. 
Кичкинтойларни қўлларини совун билан ювиб, кейин сочиқ билан 
артишга ўргатиб бориш; мустақил равишда қошиқ билан овқат ейишини; 
салфеткадан фойдаланишини рағбатлантириш; тишларни босқичма-босқич 
тўғри ювишни кўргазмали намойиш этиш (амалда бажариб ёки плакат 
ёрдамида), болага янги ва нотаниш шароитга тушиб қолганда ёрдам 
бериш. Стол атрофида ўтирганда тартибли овқатланиш маданиятини 
тарбиялаш.