Кичик гуруҳ (3-4 ёш)

 
Ижтимоий-ҳиссий ривожланиш 
(5-6 ёш) 
Ижтимоий ривожланиш. Катталар билан мулоқот. Болани 
катталар билан мулоқот қилишда одоб қоидаларига риоя қилишга, ота-
оналар билан самимий оҳангда сўзлашиш, одоб билан мулоқотга киришиш 
(саломлашади, хайрлашади, миннатдорчилик билдиради), юзага келадиган 
низоларни мулойимлик билан бартараф этишни ўргатишда давом этиш.
Катталар гапирганда тинглашга, сўзни ўз ўрнида сўзлашга ўргатиш. 
Миллий муомала маданиятида кенг қўлланиладиган “Ассалому алайкум”, 
“Лаббай”, “Хўп бўлади” “Кўришгунча”, “Яхши боринг”, “Раҳмат”, 
“Илтимос” каби илтифотли сўзлар билан мурожаат қилишга 
одатлантириш. 
Болани катталар билан мавзудан ташқари ҳолатларда ҳам мулоқот 
қилиш, катталарнинг саволларига хоҳиш билан жавоб бериш, самимий 
ҳамкорлик қилиш, муомалада нутқ ва имо-ишоралардан ўринли 
фойдаланишга ўргатиш. 
Катталар билан мулоқот вақтида мактаб ҳақидаги тасаввурларини 
шакллантириш, ўрнатилган тартиб-қоидаларга риоя қилиш, биринчи 
маротаба кўрган кишилари тўғрисида қизиқиб саволлар бериш (“Ким у?”, 
“Қаердан келган?, “Унинг исми нима?”). 
Жамият меъёрлари ва қонун-қоидалари билан мос ҳолда “яхши”, 

---

118 
“мумкин”, “мумкин эмас”, “бажариш зарур” каби тушунчаларни фақат 
тушуниш эмас, балки шу ҳолатларни бажаришга одатлантириб бориш. 
Муаммоларга дуч келганда танишлардан ёрдам сўраш, бошқаларни 
тушуниш, керак бўлганда уларга ёрдам бериш, ўзидан кичикларга ва кекса 
инсонларга эътиборли бўлиш, гуруҳга янги келган болаларга, уйига келган 
меҳмонларга самимий муносабатда бўлишга ўргатиш. 
Жамоат жойлари (театр, музей, кўргазмаларда, транспортда, почта, 
банк, стадион, дўкон)да ўзини қандай тутиш кераклиги ҳақидаги 
видеофильмлар, расмлар, шунингдек болалар муассасасидаги ўйинлар, 
машғулотлар, байрамлар акс эттирилган махсус видеофильмлар кўрсатиш 
орқали одоб ва маданият ҳақидаги тушунчаларини кенгайтириш. Музей, 
театр, кўргазмаларга экскурсиялар ташкил қилиш орқали катталар ва 
тенгдошлари оламига қизиқиш ва ҳавас уйғотиш. “Ким бўлсам экан?”
мавзусида суҳбатлар ўтказиш.