O’zbekiston respublika oliy va o’rta maxsus ta’lim vazirligi

Tashqi  iqtisodiy  siyosatning asosiy yo’nalishlari  quyidagilardan  iborat: 
 Tashqi  savdoni  liberizatsiyalash; 
 Eksportga  mo’ljallangan  ishlab  chiqarish  ixtisoslashuvining  ustuvorligini  ta’minlash; 
 Tashqaridan  respublikamizga  sotib  olinadigan(import)  maxsulotlar  ro’yxatini  maqsadga 
muvofiq  ravishda  ishlab  chiqish  va boshqalar. 
 
Tashqi  iqtisodiy  faoliyatni  boshqarishda  funktsional  tashkilotlar  ham  muhim  rolь 
o’ynaydi.  Bu  tashkilotlarga  iqtisodiyot  va  statistika  vazirliklari,  Moliya  vazirligi,  Davlat  Soliq  va 
bojxona  qo’mitalari,  Mehnat  va  aholini  ijtimoiy  himoya  qilish  vazirligi  va  boshqalar  kiradi.  Bu 
tashkilotlarning  har  biri  o’z  mas’uliyat  doirasiga  kiruvchi  masalalarni  hal  etadi  va  ularning 
natijasi  uchun  javobgardir. 
 
Iqtisodiyot  vazirligi  tashqi  iqtisodiy  faoliyatni  tahlil  qilishni  va  istiqbolini  belgilashni 
amalga  oshiradi,  tashqi  iqtisodiy  aloqalar  samaradorligini  oshirishga,  iqtisodiyotni  ichki  omillar 
vositasida  ko’tarishga  asoslangan,  tashqi  iqtisodiy  faoliyatni  yaxshilashga  qaratilgan  taklif  va 
tavsiyalarni  tayyorlaydi.