Fizika8 Uzb i-bob 1-26. pmd

O‘zgaruvchan tokning xossalari
O‘zgarmas tok o‘tganda o‘tkazgich qizigani kabi, o‘zgaruvchan
tok o‘tganda ham o‘tkazgich qiziydi.
O‘zgaruvchan tokning bu xossasidan elektr isitish asboblarida va
cho‘g‘lanma elektr lampochkalarda foydalaniladi.
O‘zgarmas tokdagidek o‘tkazgichdan o‘zgaruvchan tok o‘tganda,
o‘tkazgich atrofida magnit maydon hosil bo‘ladi.
O‘zgarmas tokdan farqli ravishda, 50 Hz chastotali o‘zgaruvchan tok
o‘tganda o‘tkazgich atrofida hosil bo‘lgan magnit kuch chiziqlarining
yo‘nalishi qarama-qarshi tomonga 50 marta o‘zgaradi. Magnit qutblari
ham shuncha marta o‘zgaradi. Agar elektromagnitdan tok o‘tkazib, uning
uchiga po‘lat plastina qo‘yilsa, u 50 Hz chastota bilan tebranib, ovoz
chiqaradi.