ƏLƏKBƏr MƏMMƏdov ceyhun yusifov iLqAr Seyfullayev vergİ

Vergİ VƏ TƏrƏqqİ

---

prioritet istiqamətlər kimi müəyyən edilmişdir. Həmin istiqamət -
lərin bir-birilə sıx qarşılıqlı əlaqədə olması onların reallaşdırıl -
ması üçün nəzərdə tutulan tədbirlərin sistemli və əlaqəli qaydada
hazırlanmasını və həyata keçirilməsini zərurətə çevirir. 
Qeyd olunan prioritetlərə nail olunması üçün vergi sistemi-
nin qarşısında vergi siyasətinin iqtisadi proseslərə təsirinin daha
da gücləndirilməsi, passiv vergi siyasətindən aktiv vergi siyasə -
tinə keçid, vergi dərəcələrinin optimallaşdırılması kimi vəzifələr
qoyulmuşdur.  Bu  kontekstdə,  vergi  tənzimlənməsinin  əsas
alətlərindən biri olan vergi güzəştlərinin tətbiqi, onların səmərə -
lili yi nin və nəticəliliyinin tədqiqi əsasında iqtisadi tənzimlən mə -
nin vergi güzəştləri mexanizminin təkmil ləşdirilməsi məsələləri
xüsusi aktuallığı ilə seçilir. 
Azərbaycanın vergi sisteminin iqtisadi sistemin inkişafına,
iqtisadi innovasiyaların dəstəklənməsinə təsirinin öyrənilməsinə
həsr olunmuş tədqiqatların bir çoxunda qeyd olunur ki, aparıl -
maqda olan vergi siyasəti sahibkarlıq mühitinin yaxşılaş dırıl -
 masına əlverişli təsir göstərir. Vergi qanunve riciliyində edilən
mütərəqqi  dəyişikliklər,  vergitutma  prosesində  informasiya
texnologiyalarından geniş istifadənin təmin edilməsi, vergi ödə -
yici ləri ilə vergi orqanı arasında qarşılıqlı inam və əməkdaşlıq
mühitinin yaradılması istiqamətində həyata keçiril məkdə olan
tədbirlər  sahibkarlıq  mühitinin  vergi  amilinin  əsaslı  surətdə
təkmilləşməsinə gətirmişdir. 
Qeyd olunanlarla yanaşı, hazırda ölkəmizdə tətbiq olunan
vergi tənzimlənməsi tədbirlərinin, xüsusilə vergi güzəştlərinin
sosial-iqtisadi  proseslərə  təsirinin  öyrənilməsi  üçün  onların
nəticəliliyinin və səmərəliliyinin qiymətləndirilməsi məsələsi xü-
susi əhəmiyyət kəsb edir. Sistemli və elmi yanaşmanı tələb edən
bu məsələnin həlli fəal vergi siyasətinə keçid tədbirlərinin müəy -
yən edilməsi üçün əhəmiyyət kəsb etməklə yanaşı, gəlirlərin
bərabərsizliyi səviyyəsinin azaldılması üçün də faydalıdır. Vergi
güzəştlərinin nəticəliliyi və səmərəliliyi göstəriciləri sisteminin
vergi  siyasətinin  əsas  məqsədlərindən  biri  olan  təkrar  bölgü
prizmasından  tədqiqi  və  alınan  nəticələr  iqtisadiyyatın  vergi
tənzimlənməsinin səmərəliliyinin artırılması üçün faydalı ola
bilər.    
12