Hayvonot va o‘simlik dunyosi obyektlarining davlat hisobini, ulardan foydalanish hajmlari hisobini va davlat kadastrini yuritish to‘G‘risida

1-bob. Umumiy qoidalar

1. Ushbu Yo‘riqnoma hayvonot dunyosi obyektlarini hisobga olish va boshqa ma’lumotlarni ro‘yxatdan o‘tkazish kitobini (keyingi o‘rinlarda ro‘yxatdan o‘tkazish

kitobi deb ataladi) yuritish tartibini belgilaydi.

2. Hayvonot dunyosi obyektlarining davlat hisobini yuritadigan davlat organlari, yuridik shaxslar ro‘yxatdan o‘tkazish kitoblarini ushbu Yo‘riqnomaga muvofiq

tuzadi va yuritadi.

3. Ro‘yxatdan o‘tkazish kitobi ushbu Yo‘riqnomaga 1-ilovaga muvofiq shakl bo‘yicha tuziladi va yuritiladi.

Ro‘yxatdan o‘tkazish kitobi O‘zbekiston Respublikasi Ekologiya va atrof-muhitni muhofaza qilish davlat qo‘mitasining vakolatli bo‘linmasi tomonidan yuritiladi.

4. Ro‘yxatdan o‘tkazish kitobini yurituvchi ro‘yxatdan o‘tkazish kitobini hisobga olish reyestrini ushbu Yo‘riqnomaga 2-ilovaga muvofiq shakl bo‘yicha to‘ldiradi.

5. Ro‘yxatdan o‘tkazish kitobi hayvonot dunyosi obyektlarining davlat kadastri subyektlari bo‘lgan davlat organida, yuridik shaxsda saqlanadi.

6. Ro‘yxatdan o‘tkazish kitobi asosiy hujjat bo‘lib, unda kadastr obyektlari ro‘yxatga va hisobga olinadi, hayvonlar turlarining geografik tarqalishi, soni, yashash

muhiti xususiyati, ulardan foydalanish tavsifi, ularni iqtisodiy baholash haqidagi ma’lumotlarni o‘z ichiga oladi.

7. Ro‘yxatdan o‘tkazish kitobi davlat organi, yuridik shaxsning rahbari belgilangan tartibda tayinlaydigan vakolatli shaxs tomonidan yuritiladi.