Biokimyo pmd

BIRIKTIRUVCHI  TO‘QIMA  BIOKIMYOSI

Biriktiruvchi to‘qima organizmning butun tanasi bo‘yicha

taqsimlangan bo‘lib, u tog‘ay, pay, boylam, suyak matriksida bo‘ladi.

Bu to‘qima buyrak jomi, siydik kanallari sohasida joylashadi, tomirlarni

fiksatsiya qiladi; jigar va mushak kabi parenximatoz a’zolarda

hujayralararo bog‘lovchi moddaning asosini tashkil etadi. Tana vaznini

taxminan 50%ni tashkil etadi. Biriktiruvchi to‘qimaning mexanik va

ushlab turuvchi vazifasi hujayra tashqarisidagi erimaydigan iplar

hisobiga amalga oshiriladi. Ular matriksga botib turuvchi yuqori polimer

birikmalardan tashkil topgan bo‘lib, asosiy modda deb yuritiladi.

Erimaydigan iplar va eruvchan matriksning sinteziga javobgar hujayralar

– xondrotsit va fibroblastlardan tashqari makrofag, semiz hujayralar va

kam miqdorda differensiyalanmagan turdagi hujayralar biriktiruvchi

to‘qima hujayralariga kiradi.