Mavzu: Milliy musiqiy an’analar ma’naviy tarbiya vositasi

©1. I.Karimov. Milliy istiqlol g’oyasi: asosiy tushuncha va tamoyillar. T.: O’qituvchi 2000-yil 43-bet. 
Muayyan mas’uliyatli vazifalarni yuklaydi. Ana shunday vazifalardan bir o’sib 
kelayotgan yosh avlodni milliy-madaniy merosning ulkan sarchashmalaridan 

---

bo’lmish milliy musiqiy meros, xususan, uning o’ziga hos xususiyatlari, ularda 
ilgari surilgan g’oyalardan keng bahramand etish, tushuncha va tasavvurlarini 
boyitish, ijro etish ko’nikma va malakalarini shakllantirishni ko’zda tutadi. 
Milliy musiqiy an’analar xalqimizning ijtimoiy-tarixiy rivojlanishi, etno-
psixologik xususiyatlari, orzu-umidlari va ularga erishish yo’lidagi faoliyat 
yo’nalishlari, shaxsga ta’lim-tarbiya berish an’analari asosida shakllangan bo’lib, 
asrlar davomida tarixiylik, vorisiylik tamoyillariga muvofiq avloddan-avlodga 
o’tib, kishilarni ma’naviy-ma’rifiy tarbiyasida munosib o’rin egallab kelmoqda. 
An’analarga sodiqlik tufayli yoshlarda ma’naviy mas’uliyat hissi, ya’ni vatanga 
muhabbat, uni sevish, qadrlash, xalq tarixi, urf-odat, an’analariga hurmat, mehr-
oqibat, odob-axloq kabi fazilatlar qaror topib boradi. 
Shu bois ham I.Karimov o’zining “Yuksak ma’naviyat-yengilmas kuch” 
asarida shunday yozadi: “Har qaysi millat yoki xalqning ma’naviyatini uning 
tarixi, o’ziga xos urf-odatlari va an’analari, hayotiy qadriyatlaridan ayri holda 
tasavvur etib bo’lmaydi. Bu borada tabiiyki ma’naviy meros, madaniy boyliklar, 
ko’hna tarixiy yodgorliklar eng muhim omillardan bo’lib hizmat qiladi” (5-30-bet). 
Shundan kelib chiqqan holda xalqimizning milliy musiqiy an’analarini 
chuqur o’rganish, ularni mazmunida bo’lgan xalq pedagogikasiga xos g’oya, fikr 
va qarashlardan ta’lim-tarbiya, shu jumladan ta’lim tizimining eng muhim bo’g’ini 
sanalmish umumta’lim maktablari o’quvchilarini musiqa madaniyatini 
shakllantirishda samarali foydalanish bugungi kunda ilmiy tadqiq etish zarur 
bo’lgan muammolardandir.