£ з б е к и с т о н р е с п у б л и к а с и о л и й в а

Sinov savollari

 

1.  Xalqaro vaziyatda qanday o’zgarishlar sodir bo’ldi? 

2.  Xavfsizlikka qanday omillar tahdid solmoqda? 

3.  O’zbekistonning geosiyosiy jihatdan qulay imkoniyatlari nimalardan iborat? 

4.  Qanday geosiyosiy jihatlar O’zbekistonga qiyinchiliklar tug’dirmoqda? 

5.  Mustaqil tashqi siyosat yuritish borasida qanday huquqiy zaminlar yaratildi? 

6.  O’zbekistonning tashqi siyosati qanday tamoyillarga tayanadi? 

7.  O’zbekiston Respublikasi Konstitutsiyasining 17-moddasini daftaringizga yozib 

oling. 

8.  Dunyodagi qaysi davlatlar Toshkentda o’z elchixonalarini ochgan? 

9.  Qaysi mamlakatlarda O’zbekistonning elchixonalari faoliyat ko’rsatmoqda? 

10. O’zbekiston nima uchun jahon hamjamiyatiga qo’shilish yo’lidan bormoqda? 

11. O’zbekistonning BMT bilan aloqalari haqida so’zlab bering. 

12. O’zbekistonning EXHT bilan hamkorligi haqida nimalarni bilasiz? 

388

 

---

13. O’zbekistonning YuNESKO bilan hamkorligi haqida so’zlab bering. 

14. Shanxay hamkorlik tashkilotining tuzilishi va faoliyati haqida nimalarni bilasiz? 

15. GUUAM tashkiloti to’g’risida nimalarni bilasiz? 

16. MDH qachon tashkil topdi, unga qaysi respublikalar a’zo bo’lib kirdi? 

17. MDH muassislari tomonidan qabul qilingan Almati Deklaratsiyasida nimalar 

haqida bayonot berildi? 

18. MDH faoliyati haqida nimalarni bilasiz? 

19. MDH faoliyatidagi salbiy va ijobiy tomonlar nimalarda o’z ifodasini topdi? 

20. O’zbekiston va Rossiya o’rtasida davlatlararo munosabatlarning o’rnatilishi haqida 

so’zlab bering. 

21. O’zbekiston bilan Ukraina o’rtasidagi o’zaro manfaatli aloqalar haqida so’zlab 

bering. 

22. Markaziy Osiyo respublikalari o’rtasida aloqalarning yo’lga qo’yilishi haqida 

nimalarni bilasiz? 

23. Orol muammosini hal qilish yo’lida qanday tadbirlar amalga oshirilmoqda? 

24. O’zbekistonning Qozog’iston, Qirg’iziston va Tojikiston bilan tuzilgan abadiy 

do’stlik to’g’risidagi shartnomalarning mohiyati nima? 

25. Nima sababdan MOIH Markaziy Osiyo Hamkorlik Tashkiloti etib qayta tuzildi? 

26. O’zbekistonning Qozig’iston bilan hamkorligi haqida so’zlab bering. 

27. O’zbekiston va Turkiya aloqalari haqida so’zlab bering. 

28. O’zbekistonda Pokiston sarmoyadorlari bilan qanday qo’shma korxonalar barpo 

etilgan? 

29. O’zbekiston va Hindiston o’rtasidagi hamkorlik aloqalari haqida referat yozing. 

30. O’zbekiston va Xitoy o’rtasidagi aloqalar haqida nimalarni bilasiz? 

31. O’zbekiston bilan Koreya Respublikasi o’rtasida qanday sohalarda hamkorlik 

qilinmoqda? 

32. O’zbekiston va Yaponiya o’rtasida o’zaro manfaatli aloqalar nimalarda o’z 

ifodasini topmoqda? 

33. O’zbekiston bilan AQSh o’rtasidagi hamkorlik haqida nimalarni bilasiz? 

34. O’zbekistonning Evropa mamlakatlari hamkorlik aloqalari haqida so’zlab bering. 

35. Siz yashayotgan viloyat, shahar va tumanda chet el sarmoyalari ishtirokida qanday 

qo’shma korxonalar tuzilgan? Ular faoliyatini o’rganing va referat yozing. 

389

 

---

XOTIMA

 

Aziz talaba, Siz mazkur darslikni qo’lga olib, uni mutolaa qilib, dono xalqimizning 

necha  ming  yilliklar  bilan  bo’ylasha  oladigan,  o’ziga  xos  betakror  tarixi,  betimsol  osori 

atiqalari,  yuksak  ma’naviy  qadriyatlari  bilan  tanishib  chiqdingiz.  Shubhasizki,  buning 

natijasida tarixiy xotirangiz, tasavvur olamingiz yanada boyidi, aqlu zehningiz, shuuringiz 

tag’inda  charxlandi.  Eng  muhimi,  Siz  ulug’  ajdodlarimiz  tomonidan  yaratilgan  noyob 

bisotlar,  tarixiy  merosni  o’rganish  barobarida  o’zligingizni  tanish,  kimlarning  qonuniy 

vorislari, davomchilari ekanligingizni yana bir bor anglab etishga musharraf bo’ldingiz.

 

Shu  o’rinda  muhtaram  Yurtboshimizning  «Haqqoniy  tarixni  bilmasdan  turib  esa 

o’zlikni anglash mumkin emas», degan donishmandona so’zlari beixtiyor yodga keladi. 

Ha, haqqoniy tarix tom ma’noda bilimlar manbai, ma’naviyat negizi, qolaversa, chinakam 

tarbiya maktabidir.

 

Ne baxtki,  milliy  mutaqillikka erishganimiz tufayli ona tariximiz to’g’risidagi chin 

haqiqat yuzaga chiqdi, uning qiyofasini to’sib kelgan g’uborlar, «oq» va «qora» dog’lar 

butkul supirib tashlandi. Buning orqasida katta tarix yaratgan xalqimizning yuksak dahosi, 

ne-ne  buyuk  ajdodlarimizning  yorqin  siymosi,  ularning  mangulikka  daxldor  o’lmas 

merosi yangidan to’la kuch bilan namoyon bo’ldi.

 

Qo’lingizdagi  ushbu  darslik  ham  milliy  istiqlol  sharofati  bilan  tug’ilgan  bebaho 

imkoniyatdan  foydalanib,  Vatan  tarixiga  yangicha  tamoyillar  nuqtai  nazaridan 

yondashilib, asrlar silsilasini xolis, haqqoniy va ilmiy asosda o’rganilib yaratilgandir. Siz 

uning sahifalarini qunt bilan o’rganib, bu azim yurt bag’rida uzoq davrlar davomida yuz 

bergan  xilma-xil  tarixiy  jarayonlarni,  voqea,  hodisalarni  ko’z  o’ngingizdan  birma-bir 

o’tkazdingiz  hamda  ularning  nechog’lik  murakkab,  ziddiyatli  kechganligiga  guvoh 

bo’ldingiz.  Ayni  chog’da  ne-ne  ulug’  tarixiy  siymolarimizning  o’z  kindik  qonlari 

to’kilgan  shu  muqaddas  yurt  uchun,  uning  erki,  ozodligi,  hurligi  va  mustaqilligi  uchun 

fidoyilik  bilan  kurashganligiga,  o’z  ongli  hayoti,  faoliyatini  shu  oliyjanob  maqsadlarga 

baxshida  etganligiga  amin  bo’ldingiz.  Boshqa  bir  o’rinda  esa  buyuk 

bobokalonlarimizning  boy  ilmiy,  madaniy  meros  yaratib,  yurt  dovrug’ini  dunyoga 

ma’lumu mashhur etganligini anglab, o’zingizda faxru iftixor tuyg’usini his qildingiz.

 

Davlatimiz  rahbari  Islom  Karimov  Amir  Temur  siymosi  haqida  to’xtalib  «Amir 

Temur bizning faxrimiz, iftixorimiz, g’ururimiz», deb bejiz aytmaganligining boisi ham 

mana shundan.

 

Xullas,  o’z  tarixini  puxta  bilish,  undan  yaxshi  xabardor  bo’lish,  navqiron 

avlodimizning Sizdek namoyandalari uchun bamisoli suv bilan havodek zarurdir. Negaki, 

u  Sizni  shu  muborak  Vatanni  farzand  yanglig’  sevish,  uning  har  bir  siqim  tuprog’ini 

ko’zga to’tiyo etish, ona yurt xizmatiga kamarbasta bo’lish, uning sarhadlarini har qanday 

yovuz  kuchlardan,  g’animlardan  himoyalash,  kerak  bo’lsa  aziz  jonni  ham  fido  qilishga 

chorlaydi. Bunda ulug’ ajdodlarimizning ibrati, jasorati Sizga ruhiy madadkor bo’ladi.

 

Bizu  siz  Vatanimiz  tarixini  chuqur,  asosli  o’rganish  orqaligina  milliy  istiqloldek 

bebaho ne’matning qadrini yanada teran tushunamiz. Va, u bizning qo’limizga osonlik 

bilan  kelmaganligiga,  unga  erishish  yo’li  og’ir,  mashaqqatli  kechganligiga,  bu  borada 

mislsiz qurbonlar berilganligiga jonli guvoh bo’lamiz. Binobarin, istiqlol ne’matini

 

390

 

---

avaylab  asrash,  uni  non  kabi,  jon  kabi  ulug’lash,  bugina  emas,  uni  mustahkamlash  va 

kuchaytirish borasida doimiy sa’y-harakatlarda bo’lishlik har birimizning jonajon ishimiz, 

fuqarolik  burchimiz  bo’lmog’i  ayni  muddaodir.  Siz,  minnatdor  o’g’il-qizlarimiz,  buni 

hamisha yodingizda tutmog’ingiz kerak bo’ladi.

 

391

 

---