Ўзбекистон республикаси халқ таълими вазирлиги а.ҚОдирий номли жиззах давлат педагогика

Эстетик ва меҳнат тарбияси. Тарбиянинг бош вазифаларидан бири 
ўқувчиларни ақлий, жисмоний ва эстетик меҳнатга тайёрлаб боришдан иборат. 
Физика ўқитиш жараёнида меҳнат тарбиясининг асоси политехник таълимдан иборат. 
Ўқувчилар ишлаб чиқаришнинг етакчи тармоқлари билан танишадилар. Машина ва 
асбобларнинг турли ишлаб чиқариш жараёнларининг физик асосларини ўрганадилар. 
Меҳнат тарбиясини амалга оширишда лаборатория ишларини мустақил бажаришга 
ўргатиш, физика ва астрономия хоналаридаги асбоб ва ўқув қуролларини намунали 
равишда сақлаб боришга ўргатиш ижобий натижа беради. Ўқувчиларни 
меҳнатсеварлик руҳида тарбиялашда олимларнинг ва ихтирочиларнинг ишларидан 
мисоллар келтириб бориш лозим.
Дарсларда назариялар ва тажрибаларни, лаборатория ишлари ва масалалар 
ечиш дарсларини, ўқув экскурсиялари ва астрономик кузатишларни ихчам, гўзал, 
чиройли тасаввурлар асосида олиб бориш, кўргазмали қуроллар ва ўқув асбобларидан 
тоза, озода сақлаган ҳолда фойдаланиш ҳамда намойиш қилиш ўқувчиларнинг 
эстетик тарбияларини ўстириб боради. Уларни дафтарларига чиройли ва тартибли 
ёзишга, топшириқларни мукаммал тайёрлашга ўргатиш, лаборатория ишларини аниқ
бажаришга одатлантириш эстетик тарбияда катта аҳамиятга эга. 
 
Назорат саволлари 
 
6. Ўрта умумтаълим мактабларида физика ва астрономия ўқитишдан кўзланган 
мақсад нима? 
7. Физика ўқитишнинг маълумот бериш мақсади деганда нималарни тушунасиз? 
8. Физика ўқитиш услубида ўқув тарбиявий жараёнда қандай масалалар ҳал 
қилинади? 
9. Ўқувчиларнинг дунёқарашларини шакллантиришда нималарга эътибор 
қаратиш лозим? 
10. Ғоявий-сиёсий, ватанпарварлик тарбияларида-чи? 
11. Эстетик ва меҳнат тарбияси нима? 
 
4-МАЪРУЗА 
 
Мавзу: ЎҚИТИШ УСЛУБИНИНГ УМУМИЙ МАСАЛАЛАРИ 
 
 Режа 
1.Физика-астрономия ўқитиш жараёнининг психологик хусусиятлари.