Ўзбекистон республикаси олий ва ўрта маҳсус таълим вазирлиги

 
2.4. Ёғоч буюмларни тайёрлашга доир технологик хоссалари 
Иқлим шароити ўртача бўлган жойларда ўсган дарахтлар одатда бир хил 
рангда (оқ сарғишдан жигар ранггача) бўлади. 
Қарағай, тилоғоч, эман ва шунга ўхшаш дарахтлар ўзагининг ранги 
заболондан тубдан ажралиб туради. Айрим ҳолларда ёғочда пайдо бўладиган 

---

ғайри табиий ранглар, яъни рангли доғлар ёки қатламлар унда замбуруғ 
касаллиги бошланаётганлигидан дарак беради.
Янги кесилган дарахтда намлик миқдори 35 дан 40% гача бўлиши 
мумкин. Сувга тўла тўйинган ҳолатидаги намлиги 200% дан ошмайди. 
 
2.5. Ёғоч ашёларининг хиллари 
Қурилишда ишлатиладиган ёғоч ашёлар тилинган ва тилинмаган 
турларига бўлинади Тилинмаган хода учининг диаметри 14 см ва бундан катта 
бўлса, ҳамда ҳар икки сантиметрдан кейин бир текисда йўғонлашиб борадиган 
тилинмаган ёғочлар хари деб аталади (7.5-расм). Агар тилинмаган ёғоч 
учининг диаметри 14 см дан кам бўлса, у ҳолда хода (диаметри 8-11 см) ёки 
ходачалар (диаметри 3-7 см) деб аталади.
Ҳар тўрт томонидан арраланса, тўғри тўртбурчак ёки квадрат кесимли 
тоза кесилган брус ҳосил бўлади. Бруслар кесимининг ўлчами 100-220 мм 
чегарасида белгиланади.
Тахта деганда эни қалинлигидан уч марта ортиқ бўлган ёғочни 
тушуниш лозим. 
Тахталарнинг ўлчамлари стандартлаштирилган. Тахтанинг эни 80 дан 
300 мм гача бўлади. Улар қалинлиги жиҳатдан икки хил: юпқа ва қалин 
хилларга бўлинади. Юпқа тахталарнинг қалинлиги 8, 16, 19 ва 25 мм, қалин 
тахталарники эса 40, 50, 60 ва 100 мм бўлади. 
Шпунтли тахталар пол учун, деворларни қоплаш ва пардадеворлар 
қуриш учун ишлатилади.
Плинтус полнинг девор билан туташган жойини беркитиб туради. Зина 
панжаранинг юқориги томонига ҳар хил кесимли тутқичлар маҳкамланади. 
Ҳозирги кунда қурилишда паркет поллар кўп ишлатилмоқда. 
Паркетнинг турларига - сунъий паркет (6.9), паркет шит (6.10), мозайкали 
паркетлар киради.
Ҳозирги кунда мозайкали-гулли паркетлар ҳам ишлатилмоқда. 
Уларнинг ўлчамлари: эни 15 см ва узунлиги 300 см гача бўлган юпқа паркет 
тахталар ва қаттиқ қоғозга ёпиштирилган йиғма мозайка паркетлари 
ишлатилмоқда.