Махсус таълим вазирлиги тошкент давлат иқтисодиёт университети

аҳамияти ҳақида аниқ тасаввурга эга бўлишингизга ёрдам беради. 
Эсда тутинг! 
Нэш бўйича мувозанат – ўйинчиларнинг ҳеч бири ўз ҳаракатлари 
режасини ўзгартирган ҳолда ўз ютуғини бир томонлама ошира олмайдиган 
вазият. 
Парето бўйича мувозанат – ўйинчилардан бирининг ҳолатини, 
иккинчи ўйинчининг ҳолатини ёмонлаштирмаган ҳолда, яхшилаб 
бўлмайдиган вазият. 
Устун стратегияли мувозанат – бошқа иштирокчининг ҳаракатларидан 
қатъи назар иштирокчига максимум фойдалиликни таъминловчи ҳаракатлар 
режаси 

---

39
Штакельберг бўйича мувозанат – ҳеч бир ўйинчи ўз ютуғини бир 
томонлама тартибда ошира олмайдиган вазият. Бунда қарор дастлаб биринчи 
ўйинчи томонидан қабул қилинади, сўнгра иккинчи ўйинчига маълум бўлади. 
Ўйин иштирокчисининг стратегияси- ҳар бир ўйин иштирокчисининг 
зиддиятли вазиятларни ҳал этиш борасидаги ҳаракат дастури ўйин 
иштирокчисининг стратегияси дейилади. 
Кооператив (коалицияли) ўйинлар – иштирокчилар ўртасида ахборот 
алмашиш ва иттифоқ тузиш мумкин бўлган вазиятлар. 
Нокооператив (коалициясиз) - ўйинларда якка иштирокчи таҳлил 
қилишнинг бошланғич нуқтаси ҳисобланади, бунда иштирокчилар ўртасида 
ахборот алмашиш ва иттифоқ тузиш мумкин эмас. 
МАВЗУГА ДОИР АМАЛИЙ МИСОЛЛАР ВА КЕЙСЛАР: 
Муаммо ҳаммага маълум усуллар орқали ечилиши мумкин деб 
ўйлама!
1–мисол.Штакельберг бўйича мувазанат ҳамма вақт мавжуд бўладими? 
а) ҳа; 
б) йўқ. 
Жавоб: а), мавжуд бўлмаслиги мумкин бўлган Нэш бўйича 
мувазанатдан фарқли равишда Штакельберг бўйича мувазанатга ҳар 
қандай ўйинда эришилади. Унинг мавжуд бўлиши иштирокчилар 
томонидан қарорлар қабул қилинишидаги вақт лаги билан шартланган.