Toshkent kimyo-texnologiya institiuti "tasdiqlayman"

Topshiriq. Berilgan matn asosida reportaj matnini tayyorlang.  

 

Navro‘z 

Navro‘z – O‘rta Osiyo va Yaqin Sharq xalqlarining qadimiy yangi yil bayrami. “Navro‘z” 

forscha  so‘z  bo‘lib,  “yangi  kun”  degan  ma’noni  ifodalaydi.  Navro‘z  yangilanish,  poklanish, 

uyg‘onish bayramidir. Aynan shu jihati bilan u insonlar qalbidagi iliqlikni, ona zaminga bo‘lgan 

muhabbat hissini uyg‘ota oladi, inson va tabiat o‘rtasidagi munosabatni uyg‘unlashtiradi. 

Navro‘z bahor faslida nishonlanadi. Bu paytda tabiat uyg‘onib, barcha o‘simliklar ko‘kara 

boshlaydi. Bahor insonlarga ezgu tuyg‘ular hadya etadi. Inson qalbida orzulari mavjlanadi. 

Dehqonlar,  bo‘g‘bonlar  bahorgi  ishlarni  boshlab  yuboradilar.  Navro‘z  ayyomiga  atab 

bobodehqonlar  yerlarni  maromiga  keltirish,  ariq-zovurlarni  tozalash,  urug‘larni  saralash, 

ko‘zlangan joylarni urug‘ qadashga moslash va boshqa taraddudlarni ko‘radilar. Bog‘bonlar esa 

toklarni  ochish,  anjir,  anor  va  boshqa  mevalarning  ko‘chatlarini  tartibga  keltirish,  yangi 

nihollarni  ekishga  tayyorlash,  dov-daraxtlarni  butash,  payvandlash  kabi  yumushlarni 

rejalashtiradilar.  Shuning  uchun  ham  Navro‘z  yangi  yil  bayrami  bo‘lib  qolmasdan,  mehnat 

bayrami hamdir. 

Navro‘z 21-martda kutib olinadi. Shu kuni kecha bilan kunduz tenglashadi. 

O‘zbekistonda Navro‘z bahor bayrami sifatida nishonlanadi. Bayram kunlari odamlar bir-

birlariga gullar sovg‘a qiladilar, yaxshi tilaklar bildiradilar. 

Navro‘z qadim-qadimdan yaxshilik va saxiylik ramzi bo‘lib kelgan. Odamlar bir-birlariga 

mehr-oqibat  ko‘rsatadilar,  urush-janjal,  xafagarchiliklar  unutiladi.  Bemorlardan,  nogironlardan, 

yolg‘izlardan xabar olinadi. Bayram kunlari turli milliy taomlar, jumladan, sumalak, halim, ko‘k 

chuchvara, ko‘k somsalar tayyorlanadi. 

Navro‘z  bayrami  kishilarga  yaxshi  kayfiyat,  samimiylik,  zavqu  shavq,  ilhom  va  g‘ayrat 

bag‘ishlaydi.