M. F. Ziyayeva xirurgik kasalliKlar bilan og‘rigan va intensiv terapiyani o‘tayotgan beMorlarda HaMsHiraliK parvarisHi

2.8. intensiv terapiyani o‘tayotgan bemorlarda hamshira 
parvarishi xususiyatlari
Reanimatsiya  va  intensiv  terapiya  bo‘limida  hamshiraning 
vazifasi  bemorlarni  parvarish  qilishdan  iborat  bo‘ladi.  Ushbu 
bo‘limlarda  asosan  operatsiyadan  keyingi  eng  dastlabki  davrni 
boshidan  kechirayotgan  bemorlar  yotqiziladi.  Shuning  uchun 
operatsiya  zalidan  bemor  bo‘limga  olib  kelingan  vaqtda  palatada 
hamma  narsa  taxt  turishi  kerak.  Bemor  yotgan  katalkani  qaysi 
tomondan  olib  kelish  ma’qul  ekanligini,  xalal  beradigan  narsalarni 
chetga  surib  qo‘yish  lozim.  Bemorning  o‘rniga  toza  oqliklar 
oldindan solinib, tayyorlab qo‘yilgan bo‘lishi kerak. Choyshablarning 
buklanib-taxlanib  qolgan  joylari  bo‘lmasligi  kerak.  Shifokorning 
ko‘rsatmasiga  binoan  karavotni  oldindan  zarur  holatga  keltirib 

---

201
qo‘yish  lozim  (bosh  yoki  oyoq  tomonini  ko‘tarish).  Operatsiyadan 
keyingi bemorni joyiga olib borishning eng muhimi uni operatsiya 
stolidan katalkaga va katalkadan karavotga olib yotqizishdir.
1.  Tibbiyot  xodimlari  bemorlarga  nisbatan  mehr  va  e’tibor 
bilan g‘amxo‘rlik munosabatida bo‘lishlari kerak.
2.  Davolash-himoyalash  tartibini  saqlash  (bemorlarni  xavo-
tirlik,  kuyinish,  qo‘rquv  va  boshqa  og‘ir  ruhiy  kechinmalardan 
asrash zarur).
3.  Organizmning  asosiy  hayotiy  muhim  vazifalarini  nazorat 
qilish (yurak-tomir sistemasi, MNS, jigar, buyrak va b.).