“ фаол тадбиркорлик, инновацион ғоялар ва технологияларни қЎллаб-қувватлаш йили”

 
Ishning maqsadi: O‘zbekiston Respublikasi Prezidenti SHavkat Mirziyoev 
tomonidan 2017 yil 22 dekabrda mustaqil davlatimiz tarixida birinchi 
martaO‘zbekiston Respublikasi Oliy Majlisiga Murojaatnoma taqdim etildi. 
Mamlakatimiz ijtimoiy siyosiy hayotidagi ana shu g‘oyat muhim, tarixiy voqeaning 
ahamiyati, Murojaatnomada davlatimiz rahbari tomonidan ilgari surilgan o‘ta muhim 
va dolzarb fikrlar, g‘oyalar, amaliy taklif va tavsiyalarning mazmun-mohiyati ochib 
berilgan. Murojaatnomada bayon qilingan ustuvor yo‘nalishlar atroflicha tahlil qilinib 
talaba yoshlar o‘rtasida keng targ‘ib etish, ularning ongu tafakkuriga singdirishdan 
iborat. 
 
Tadqikot uslubi va materiallari: Mamlakatimiz Prezidenti SHavkat 
Mirziyoev Oliy Majlisga Murojaatnomasida davlat va jamiyat qurilishi sohasida 
amalga oshirilgan ishlar, oldinda turgan vazifalar haqida atroflicha fikr yuritib, ana 
shu konseptual masalaga alohida e'tibor qaratdi.Ma'lumki, o‘tgan 26 yil mobaynida 
O‘zbekistonda milliy qonunchilik instituti shakllandi, rivojlandi, jahon 
parlamentarizmining ishonchli va teng huquqli sub'ektiga aylandi. YUrtimizda 
huquqiy demokratik davlat va fuqarolik jamiyatini rivojlantirishning qonuniy asoslari 
yaratildi. Bu, hech shubhasiz, ulkan tarixiy qadamdir. Biroq, zamon bir nuqtada 
to‘xtab qolgani yo‘q. Hayot davom etmoqda. Jahon siyosatida shiddatli o‘zgarishlar 
yuz bermoqda. Bu o‘z-o‘zidan bugungi kunning o‘ziga xos bo‘lgan va xalqimizning 
butun istiqbolini belgilaydigan yangidan -yangi muammolarni, talablarni, ehtiyojlarni 
keltirib chiqarmoqda. Bunday talab va ehtiyojlar islohotlarga zamonaviy, kreativ, 
katta professional mahorat, chuqur aql-idrok va keng intellektual qobiliyat bilan 
yondashuvni talab qiladi. Ana shu tabiiy talab o‘zbek milliy parlamentarizmi 
faoliyatini, Oliy Majlisning yillar mobaynida to‘plagan tajribalarini sarhisob qilib, 
uning faoliyatini butun choralar bilan isloh qilishni taqozo etmoqda.