O‟zbekiston respublikasi oliy va o‟rta maxsus

Газлама ва ип танлаш.Кашта тикиш учун газлама билан ип буюмнинг 
нимага мўлжалланганлигига, безакнинг характерига ва тикиш усулига 
мувофиқ танланади. Масалан, владимирча чоклар билан сочиққа кашта 
тикиш учун зич газлама, масалан, лавсанли зиғир тола газлама билан бир 
неча қават ҳар хил рангли иплар керак, блузкани оқ текис чок билан тикиш 
учун эса, юпқароқ газлама (маркизет, чит ва х. к.) билан 1 – 2 қават бир хил 
рангли мулине ип керак. 
Ипларни санаб тикиладиган кашта учун полотно усулида тўқилган 
газламалар: зиғир ва ярим зиғир толали (оқартирилмаган, оқ ва рангли), 
маркизет, рогожок, штапель ва шойи полотно, сийрак (пишитилган зиғир 
тола ипдан сийрак тўқилган) газлама олинади. Полотно усулида тўқилган 
газламаларининг асос (полотнонинг бўйига йўналган) иплари бир ип оралаб 
чалишади, шунинг учун асос ипи бир гал арқоқ ипининг устидан; бир гал 
унинг тагидан ўтади. Полотно усули энг оддий тўқиш усулидир. Иплари 
шундай усулда тўқилган газламалар пишиқ, кам чўзиладиган ва кам 
киришадиган ўнги ва тескариси бир хил бўлади. 
Бахясимон чокли кашта тикиш учун асос ва арқоқ ипларнинг йўғонлиги 
бир хил газлама керак. Ипларнинг йўғонлиги бир хил бўлмаса, иш 
қийинлашади, чунки асос ва арқоқ ипларини суғуриб олишда саналадиган 

---

иплар сони ҳар хил бўлади. Бундай каштани тикишда газламанинг асосий ип 
тола, арқоғи зиғир тола бўлган ярим зиғир толали полотно ишлатиб 
бўлмайди. Чизилган контур бўйлаб тикиладиган кашталар учун зиғир толали 
газламалар ҳам, шойи ҳам, мовут, йўл-йўл ѐки катак газламалар ҳам, 
шунингдек, бўртган йўли ѐки катаги каштанинг гули ва структурасига узвий 
мос келса, йирик структурали газлама ҳам туғри келаверади. 
Кашта тикиш учун мерсерланган (ялтиллатиш, майин қилиш учун 
қуюқ ишқор эритмасида ишлов берилган) зиғир ва оддий ип ва турли 
рангдаги ленинград мулинеси ишлатилади. Ленинград мулине ипнинг буѐғи 
чидамли, жилвали ва пишиқлиги етарли даражада бўлади. Шунингдек, жун, 
штапель, ипак, синтетик (кашмилон, лавсан, капрон) иплар, ола-була пишиқ 
ип, ип ва жун гарус ҳам ярайди. Тайѐрлов ишлари учун (асосий полотнога 
газлама парчасини кўклаш), буюм четларини буклаб тикиш, рангли оддий 40-
, 50-, 60- номерли ғалтак ипи, оқ текис чокнинг тортимларини тикиш учун 
эса 80- номерли ип ишлатилади. Иплар пишиқ, бир текис бўялган, ѐруғлик ва 
сувга чидамли бўлиши керак. Ипнинг пишиқлиги қўл билан тортиб 
текширилади: яхши ип дарров узилмай чўзилиш лозим. Ип буѐғининг 
чидамлилигини текшириш учун ипни қуѐшга қўйиб қурилади: бунда ип 
оқармаслиги керак. 
Мулине ип калавасини очиб, тугунча бир жойидан қирқилади. Калавада 
14 та ливит, ҳар ливитда 6 тадан ингичка ип бўлади. Каштадаги ипларнинг 
рангини мослаб танлаш учун ип намуналари ўралган картончалар ясаб олиш 
тавсия этилади. Бунинг учун узунлиги 15-20 см, 4 см картон тасмачалари 
қирқиб олинади. Тасмачанинг узун томони бўйлаб ҳар 1 см оралиқда 
нуқталар қуйиб чиқилади. Қайчи билан картон ҳар икки сантиметрида олдин 
бир томонида, кейин иккинчи томонида ярим айлана ѐки учбурчак шакли 
қиркиб чиқилади. Қирқилган жойлар бир-бирига рўпара бўлиши керак. 
Калавадан битта ливитни ажратиб олиб, картоннинг қирқилган жойига ўраб 
қўйилади. Битта картон тасмачага бир неча тусдаги ипни оч рангидан тўқ 
рангига ўта борадиган қилиб жойлаштирилади. 

---

Ҳар хил рангли ипларни сочдек қилиб ўриш ярамайди. Бунда бир хил 
рангдаги ип иккинчи ип ранги билан қоришиб кетади-да, бошқа тусга кириб, 
танлаб олишни қийинлаштиради.