Milliy 9 (2015-y). p65

Xulq-odobi go‘zal, har tomonlama namunali farzand
mahallaning obro‘si, noqobil, axloqan nomaqbul bolalar
esa mahalla sha’ni uchun dog‘ hisoblanadi.
Mahalladan yurtga, dunyoga taniqli insonlar yåtishib chiqsa,
butun mahalla ahli g‘ururlanadi, boshini baland ko‘taradi. Va
aksincha, «falon mahallada mana bunday xunuk ish bo‘pti» dågan
gap barchaning boshini xam qiladi, hamiyatiga tågadi. Shu tufayli
ham mahalla tartib-qoidalariga barchaning amal qilishi shart
sanaladi. Kimda-kim bularga rioya qilmasa, u mahallada o‘tadigan
tadbirlarga, to‘y-ma’rakalarga taklif ham etilmaydi. Agar kibr-u
havo bilan qo‘ni-qo‘shni, mahalla ahli an’analarini oyoqosti qilsa
yoki boshqalarga båpisandlik bilan munosabatda bo‘lsa, bunday
kimsa mahalladan chiqarib yuboriladi.
Mahalla, ta’kidlanganidåk, oila tinch-totuvligini, jipsligini
mustahkamlaydigan joy. Tabiiyki, oilada ba’zi arzimagan narsa
tufayli janjal chiqishi va bu haqda er yoki xotin mahalla fuqarolar
yig‘iniga murojaat etishi mumkin. Bunday holatda mahalla kattalari
vazmin, chuqur mushohada yuritib, ularni iloji boricha yarashtirish
yo‘lidan borishadi. Bu bilan uydagi janjal hamma yoqqa ovoza
bo‘lishining, kåyingi xijolatli holatlarning oldi olinadi.