Пардозлаш ишларида қЎлланиладиган машина ва жиҳозлар режа

Пневматик форсункалар. Пневматик форсункаларда қоришма компрессордан 0,2...0,6 МПа босим остида берилган сиқилган ҳаво таъсирида учликда бўлакларга бўлиниб катта тезлик билан ташқарига чиқарилади. Пневматик форсункалар сиқилган ҳавони узатилишига қараб ҳалқасимон (11.4-расм, а) ва марказлашган (11.4-расм, б) бўлинади.

11.4– расм. Сиқилган ҳаво таъсирида ишловчи пневматик сувоқ форсункалари.

Механик таъсир этувчи форсункаларда қоришмани бўлиниши ва юзага сепилиши қоришма насос ҳосил қилган босим остида ва унниг қоришмага берган кинетик энергияси ҳисобига амалга оширилади. Механик форсункаларда ясси “машъала” ҳосил қилувчи тирқишли соплолар қўлланилади. Ушбу форсункалар билан ҳаракатчанлиги 9 см ва ундан юқори бўлган қоришмалар сувалади. Улар икки турли қилиб ишлаб чиқарилади: тирқиши тартибга солинадиган (11.5-расм, а). ва тартибга солинмайдиган (босимли) (11.5-расм, б).

11.5-расм. Механик таъсир асосида ишловчи форсункалар.
11.4. Сувоқ агрегатлари, машиналари ва қурилмалари

Сувоқ агрегатлари, машиналари ва қурилмалари тайёрланган юзаларга қурилиш қоришмалари ва пардоз таркибларини қабул қилиш (ёки тайёрлаш), қайта ишлаш (аралаштириш), узатиш ва форсунка, сопло ва учликлар ёрдамида сувашга мўлжалланган.

Сувоқ агрегатлари ва машиналари диафрагмали, поршенли ва винтли насослар асосида ясалган. Агрегатлар қўйидаги турларга бўлинади:
- сувоқ агрегати – фақат тайёр келтирилган қоришма билан ишлайди;
- сувоқ-аралаштирувчи агрегат, у ўз ичига бевосита объектда қоришма тайёрловчи ёки тайёр қоришмани аралаштирувчи даврий қоришма аралаштиргични ўз ичига олади. Винтли насос асосидаги сувоқ машиналари қуруқ қоришмалар билан ишлайди ва узлуксиз ишловчи аралаштиргич билан таъминланган.
Машина ва агрегатларнинг унумдорлиги базавий қоришма насосларнинг унумдорлиги билан аниқланади.
Поршенли насос асосидаги сувоқ агрегати тебранувчи цилиндрли бўлиб меҳнат унумдорлиги 1 м³/соат ташкил этади (11.6-расм) ва у қурилиш қоришмасини қабул қилиш, сизиш, тайёр ҳолга олиб келиш, узатиш ва тайёрланган юзага сувашга мўлжалланган. У енгил монтаж ва демонтаж қилинадиган асосий тугунлар ва ўзаро резина-тўқимали шланг ҳамда тез ечиладиган бирикма билан бирлаштирилган қоришма насоси ва виброэлакли қабул қилувчи бункердан иборат бўлиб ғилдиракли мустақил рамага ўрнатилган.

11.6− расм.Поршенли насос асосидаги сувоқ агрегати.