Parallel dasturlash

Parallel hisoblash masalasi – koʻp protsessorli kompyuter texnologiyasidan foydalanishning eng yuqori samaradorligiga erishish uchun masalalarni yechish jarayonlarida parallelizm(parallel hisoblash algoritmi) resursini yaratish va ushbu parallelizmni amalga oshirishni boshqarishdir.
Superkompyuter – bu texnik resurslar boʻyicha mavjud kompyuterlarning koʻpchiligidan ancha ustun boʻlgan hisoblash mashinasi.
Klaster – bu lokal hisoblash tarmogʻiga birlashtirilib, yagona hisoblash manbasi sifatida ishlashga qodir boʻlgan hisoblash mashinalari guruhi.
Taqsimlangan hisoblash – parallel hisoblash tizimiga birlashtirilgan bir nechta kompyuterlar orqali katta vaqt talab qiladigan murakkab hisoblash masalalarini yechish usuli.
Grid texnologiyasi – sust bogʻlangan va geterogen hisoblash tizimlarini taqsimlangan hisoblashlarda alohida sinflar boʻlinishi hisoblanadi.
Taqsimlangan hisoblash – bu ma’lumotlarga ishlov berish texnologiyasi boʻlib, unda katta amaliy masalalar kompyuter tarmogʻi yoki internetga ulangan koʻplab kompyuterlar orqali yechiladi.
Bulutli hisoblashlar – kompyuter resurslari va quvvatlari internet xizmati sifatida taqdim etiladigan ma’lumotlarga ishlov berish texnologiyasi.
Hisoblash tizimining haqiqiy ishlash koʻrsatkichi – bu vaqt birligida oʻrtacha bajarilgan amallar soni.
Hisoblash tizimining eng yuqori ishlash koʻrsatkichi – tizim tomonidan vaqt birligida bajarilishi mumkin boʻlgan maksimal amallar soni.
Ma’lum bir vaqt oraligʻidagi protsessor yuklanishi – bu ma’lum bir vaqt oraligʻidagi protsessorning haqiqiy hisoblash vaqtini butun vaqt oraligʻining uzunligiga nisbatiga aytiladi.
Bir xil protsessorlardan tashkil topgan hisoblash tizimini yuklanishi – barcha protsessorlar yuklanishi oʻrtacha qiymatiga aytiladi. Ta’rifdan kelib chiqib, p yuklanish 0≤ p≤ 1 shartni bajaradi.
Bir xil protsessorlardan tashkil topgan hisoblash tizimida algoritmni bajarilishini tezlashtirish – algoritmning bitta protsessorda (bitta protsessor yadrosida) bajarilish vaqtining parallel hisoblashda bajarilish vaqtiga nisbatiga aytiladi.