Pan: fizika

Qıya tegislik.Nárse salınǵan boshkanı mashinaǵa júklewde qıya tegislikten domalatıp shıǵarıw ańsat. Bunda F kúsh awırlıq kúshiniń bir bólegin quraydi: F=(h/s)mg

Vint.Mashinalardıń balonı tesilip qalǵanda, onı almastırıw ushın ’’ domkrat’’ dep atalatuǵın vintli kótergishten paydalanıladı. Onıń islew principin súwretten túsiniw qıyın emes. Úydegi gósh maydalawda, mektep qurılıs hám temirshilik ustaxanalarındaǵı ’’ tiski’’ de de vintten paydalanıladı.

Sına.Mámleketimizdiń ayırım jerlerinde bolajaq kúyewlerdi sınaw maqsetinde olarǵa domalaq aǵashtı otın etip maydalawdı usınıs etken dep aytadı. Usınday jaǵdayda ‘’ sına ‘’ qolaylı boladı. Sına aldı tárepinen qaralsa, úshmúyeshlik kórinisinde bolǵan dene bolıp, onı domalaq aǵashtıń ortasına qoyılıp, joqarısınan urıladı.

Shıǵırıq.Bul ápiwayı mexanizmnen kóbinese qudıqlardan suwdı kóterip alıwda paydalanıladı. Shıǵırıqta arqan oralatuǵın baraban radiusı r, onı aylandırıwshı tutqanıń uzınlıǵı R bolsa, qurılmanıń kúshten beretuǵın utısı R/r ge teń boladı.Shıǵırıqtıń jetilistirilgen variantı lebyodka dep ataladı.

Taza temanı bekkemlew: Bekkemlew ushın taza temaǵa tiyisli súwretler berip,”Rebustı kim sheshedi ” oyının ótkeremen.

1.Shıǵırıqtıń jetilistirilgen variantı .....

2. Mashinalardıń balonı tesilip qalǵanda, onı almastırıw ushın .... paydalanıladı.

3. Qozǵalmalı hám qozǵalmas bloklardıń bir neshewi jalǵansa ......delinedi.

4. Balta yaki balǵalardıń bası shıǵıp ketpewi ushın neden paydalanıladı.

1. lebyodka

2. domkrat

3. Polispast

4.Sına

2-tapsırma.Fizikalıq asbap atların berip, olardıń xızmetin aytıp beriw kerek.

1.Bloklar

2.Sına

3-tapsırma ” Balıq skeleti” metodı arqalı taza tema boyınsha maǵlıwmatlar jazadı.

4-tapsırma Fizikalıq jumbaqlar

1.Ózi kishkene ǵana bólekshe

Saqlaydı zattıń qásiyetin. (molekula)

2.Qayda júrsem qalmaydı

Jumsaǵan iske barmaydı. (kóleńke)

3. Adımnan qattı keledi

Uzaq penen jaqındı

Kelte menen uzındı

Anıq ólshep beredi. (metr)

5-tapsırma Fizika pánin shet tili menen baylanıstırıw. Bunda fizikalıq shamalardıń inglis tilinde aytılıwı hám jazılıwın tabıw.

ϑ –tezlik velosite

S- jol space

F- kúsh force

t- waqıt time

p- basım pressure

Oqıwshılardı bahalaw: Hár bir oqıwshı toplagan kartoshkaların sanap, kóp ball toplaǵan oqıwshılardı qoshametlep, tiyisli bahasın qoyaman.

Úyge tapsırma beriw

•