P. I. Ivanov m. E. Zufarova umumiy psixologiya

Ko'rish  sezgilarining  xossalari. 

Yorug'lik  to'lqinlarining  turlicha 

qo'shilishi  va  turlicha  ta’sir  ko'rsatishi  umumiy  rang  toniga,  seziladigan 

ranglaming  ochiqlik  va  to'qlik  darajasiga  ta’sir  etadi.  Barcha  xromatik 

ranglar shu  xossalarga  qarab  ajratiladi.  Axromatik  ranglar  faqat  ochiqlik

www.ziyouz.com kutubxonasi

---

darajasi bilan farq  qiladi.  Rang toni  deb bir rangni ikkinchi  rangdan farq 

qiladigan spetsifik sifatiga aytamiz. Rang toni ko'zga ta’sir etadigan yorug'lik 

to'lqinining  uzunligiga  bog'liq.  Odam  ko'zi  rang  toni  jihatidan  150  ga 

yaqin  har xil tuslarni  ajrata oladi.

Ochiqlik 

deb,  muayyan  rangni  qora  rangdan  farq  qilish  darajasiga 

aytamiz.  Ochiqlik  — qaytarish  koeffitsiyentlariga,  ya’ni  narsa  yuzasiga 

tushadigan  yorug'likning  necha  foizi  o'sha  yuzadan  qaytishiga  bog'liq. 

Oq  rang  eng  ochiq  rang  hisoblanadi,  chunki  oq  yuza  o'ziga  tushadigan 

yorug'likning  deyarli  hammasini  qaytaradi.  Qora  rangning  ochiqligi  eng 

kam bo'ladi.  Chunki  qora yuza o'ziga tushadigan yorug'likni  deyarli bu­

tunlay qaytarmaydi.  Qulay sharoitlarda odam ko'zi ranglaming ochiqligi- 

ga qarab  qora bilan  oq  rang o'rtasidagi  200  tacha tusni  ajrata oladi.

Seziladigan  ranglarning  ravshanligi  ochiqlikdan  farq  qilishi  kerak. 

Rangning ravshanligi ko'zga  ko'rinib turgan  rangli  narsaning yaxshi  yoki 

yomon  yoritilib  turishiga  bog'liq  bo'lgan  ochiqlikdir.  Ma’lum  darajada 

quyuq bo'lgan har bir rangning ko'z ilg'aydigan ravshanlik darajasi 600 ga 

yetadi.