O'zR. Konst u'yr kitabi. Orinbetov n

qa’wipsizlik xi’zmeti shegara armiyasi’ a’melge asi’radi’. Wo’zbekstan shegarasi’ 
menen baylani’sli’ 
ma’seleler shegaralas ma’mleketler menen sha’rtnama ha’m 
kelisimler tiykari’nda ha’m de uluwma belgilengen xali’q arali’q wo’lshemli hu’jjetler 
tiykari’nda ta’rtipke sali’nadi’.
Ma’mleketlik shegara ma’selesinde Wo’zbekstan izbe-iz 
tu’rde ha’zirgi zaman siyasiy principlerge i’layiqli’ joldan barmaqta. 
Wo’zbekstan xalqi’n milletine qaramastan Wo’zbekstan Respublikasi’ puqaralari’ 
quraydi’. Bul Konstituciyamizdi’n’ 8-statyasi’nda atap wo’tilgen. Wo’zbekstan xalqi’ – 
30 million 75 min’ 800 adam (2013-ji’l, 1-aprel jag’dayi’). Wo’zbekstan Respublikasi’ 
Konstituciyasi’ yengizilgen ji’llari’nda respublikada 100 milliy-ma’deniy woray 
sho’lkemlestirildi ha’m wolar milletler arali’q birlikti ta’miyinlewde a’hmiyetli rol 
woynamaqta. Wolardi’n’ sho’lkemlestiriliwi menen millet wa’killerine wo’z u’rp-
a’detleri, da’stu’rleri ha’m tilin qayta tiklew ushi’n imkaniyatlar jarati’ldi’. Milliy-
ma’deniy woraylar ta’repinen a’melge asi’ri’li’p ati’rg’an ilajlar milletler arasi’ndag’i’ 
baylani’slardi’n’ ja’ne de
bekkemleniwinde ayri’qsha a’hmiyetke iye. Dinge isenim 
yerkinligi de huquqi’y jaqtan ta’miyinlengen. Bu’gingi ku’nde ma’mleketimizde ko’p 
milletshilik sha’rayati’nda 16-diniy konfessiya birlespeleri xi’zmet ko’rsetip kelmekte. 
Wo’zbekstan Respublikasi’ Konstituciyasi’ni’n’ XVII babi’nda Qaraqalpaqstan 
Respublikasi’ni’n’ belgisi ha’m woni’n’ suverenitetinin’ qorg’ali’wi’ bekkemlep 
qoyi’lg’an. 1924-ji’ldan baslap Qaraqalpaqstan avtonom wa’layati’ si’pati’nda 
Qazaqstan Respublikasi’ qurami’na kirgen yedi. 1930-ji’li’ Qaraqalpaqstan avtonom 
wa’layati’ 
si’pati’nda Rossiya Feredaciyasi’ qurami’na, 1936-ji’ldan baslap 

---

44
Wo’zbekstan qurami’na kirgen. 1990-ji’l
14-dekabrde Qaraqalpaqstan Respublikasi’ 
Suvereniteti haqqi’nda Deklaraciyasi’ qabi’l yetildi. Wo’zbekstan Respublikasi’ ha’m 
Qaraqalpaqstan Respublikasi’ arasi’ndag’i’ wo’z ara qatnasi’qlardi’n’ huquqi’y 
tiykarlari’ Konstituciyani’n’ 70-75-statyalari’nda ken’ sa’wlelengen. Suverenli 
Qaraqalpaqstan Respublikasi’ Wo’zbekstan Respublikasi’ qurami’na kiredi. Bunday 
jag’day Wo’zbekstanni’n’ ha’m Qaraqalpaqstanni’n’ uluwma bir-birinin’ ma’plerine 
sa’ykes keledi. Qaraqalpaqstan suvereniteti Wo’zbekstan Respublikasi’ ta’repinen 
qorg’aladi’. Wo’zbekstan Respublikasi’ ni’zamlari’ Qaraqalpaqstan Respublikasi’ 
aymag’i’nda da ma’jbu’riy yesaplanadi’. 
Qaraqalpaqstan Respublikasi’ni’n’ aymag’i’ 
ha’m shegaralari’ 
woni’n’ razi’li’g’i’si’z wo’zgertiliwi mu’mkin yemes. Qaraqalpaqstan 
Respublikasi’ wo’z ha’kimshilik-aymaqli’q du’zilis ma’selelerin g’a’rezsiz sheshedi. 
Wo’zbekstan Respublikasi’ ha’m Qaraqalpaqstan Respublikasi’ arasi’ndag’i’ wo’z ara 
qatnasi’qlar Wo’zbekstan Respublikasi’ Konstituciyasi’ shen’berinde du’zilgen 
sha’rtnamalar ha’m kelisimler menen ta’rtipke sali’nadi’.