Oziq ovqat texnologiyasi kafedrasi oziq-ovqat texnologiyasi asoslari

Chuchuk qalampir
Qalin po‘st chuchuk qalampir (po‘st qalinligi 5 m/wdan yuqori) texnik yoki biologik 
yetilgan holida konservalanadi. Kalibrlash, yuvish va tozalash. Qalampir kalibrlanadi, yuviladi, 
o‘zagi va urug‘donidan tozalanadi. Blanshirlash. Tozalangan qalampir, unda elastik xususiyat 
hosil bo'lishi uchun, bug‘ yordamida 1—3 daqiqa davomida blanshirlanadi va sovuq suvda 
sovitiladi. Qadoqlash, berkitish va sterillash. Qalampir butunligicha yoki uzunasi bo‘yicha ikkiga 
bo‘lingan holatda bankalarga keng tomonini yuqoriga qilib vertikal o‘rnatib konservalanadi. 
Mahsulot ustiga tarkibida 6% qand, 3% osh tuzi, 0,6% limon kislotasi bo‘lgan eritma solinadi. 
Bankalar berkitiladi va 100°C temperaturada 8—17 daqiqa davomida sterillanadi. Banka ichida 
butunligicha konservalangan qalampir miqdori bankadagi mahsulot sof og‘irIigiga nisbatan 
55%ni kesilgani esa 60%ni tashqil etadi.