O’zingizni quyidagi vaziyatlarda sinab ko’ra olasizmi?

O’zingizni quyidagi vaziyatlarda sinab ko’ra olasizmi?

Keksa odamga mayin tabassum bilab yukini manziliga olib borishiga yordam berish, saldan keyin esa notanish ikki ayolni turtib o’tib, navbatsiz bilet olishga urinish.

Bu xo’jako’rsinga ish qilish – foydasi bor joyda o’zini madaniyatli qilib ko’rsatish yoki riyo deyiladi.

Aslida, chinakam muloyimlilik bayramona libos emas, kundalik kiyim- bosh-u haftaning har kunida orasta va chiroyli bo’lishi kerak.

Riyokor kishilar atrofdagilar nazarida olijanob va tarbiyali bo’lib ko’rinishga urinadi, aslida esa baqiradi, eshikni qarsillatib yopadi va shu kabilar.

Umuminsoniy axloqiy qadriyatlar orasida yaxshilikqilish fazilati muhim o‘rin egallaydi.

Markaziy Osiyo xalqlarining qadimgi yodgorligi – «Avesto» kitobida ezgu fikr, ezgu so‘z va ezgu amal insoniy fazilat sifatida ulug‘lanadi. Islom ta’limotida boshqalarga, ayniqsa, ota-ona, ayollar, yosh bolalarga yaxshilik qilish juda qadrlanadi.

Tilak bildirish va taskin berish: Inson hayotining barcha fasllarida, har xil yosh va munosabatlar sababli bir-biriga tilak bildiradi, yaxshi niyat qiladi.

Safarga otlanayotganlarga: «Safaringiz be xatar bo‘lsin, eson-omon yana diydor ko‘rishaylik»; «Oy borib, omon qayting», degan tilaklar bildiriladi.

SO‘NGGI PUSHAYMON...

Kechqurun qo‘shnining hovlisidan shovqin eshitildi. Bunday holat tez-tez bo‘lib turardi. Ammo bu galgisi har doimgidan ham

qattiqroq bo‘ldi.

Kenja o‘g‘il mast holda kelib, jazavaga tushdi. Uni to‘xtatmoqchi bo‘lgan keksa otasini zinapoyadan turtib yubordi. Ota to‘shakka mixlanib qoldi.

1. Bu hodisaning mavzuga bog‘liqlik tomoni bormi?

2. Bu holatning oldini olish mumkinmidi?

3. Bunday voqealarning sodir bo‘lishida qo‘ni-qo‘shnilar

ham ayb dor. Bu fikrga qo‘shilasizmi? Javobingizni asoslang.

Kichik muammoga hech kim e’tibor qilmasa, u kun kelib hammaning katta muammosiga aylanadi.