O`zbyekiston respublikasi oliy va o`rta maxsus ta‘lim vazirligi

13.3.Oqova suvlarni tayyorlash qurilmalari. 

 

 

Oqova  suvlar  tindirgichdan  suv  bilan  chiqadigan  neft  tomchilaridan  va  mexanik 

aralashmalardan  (qum,  temir  oksidi  va  boshqalar)  tozalanadi.    19–  rasmda  oqova  suvlarni  tozalash 

qurilmasining ochiq sxemasi ko`rsatilgan. 

 

Uning  ishlash  tartibi  quyidagicha:  tindirgich  va  deemulsator  ajratgichlarida  neftdan  ajratilgan 

suv  avtomatik  ravishda  neft  qopqoniga  (1)  tushadi.  So`ng  tindirgich  «ko`l»larga  (3)  oqib  boradi. 

Tindirgich  «ko`l»lardagi  suv  nasoslar  (4)  yordamida  qumli  filtrlardan  (5)  o`tib  tozalangan  suv 

sig`imlariga  (6)  o`tadi.  Bu  sig`imlardan  oqova  suvlar  nasos  qabuliga  (7)  boradi  va  ko`pqatorli  nasos 

stantsiyalariga  (KNS)  uzatiladi.  Bu  yerda  oqova  suvlarni  qatlamga  haydash  uchun  katta  bosimlar 

(14,7-19,62 MPa) hosil qilinadi. 

Neft  qopqonlaridan  diametri  80  mkm  dan  katta  bo`lgan  neft  tomchilari  yig`ilib,  nasos  (2) 

yordamida yana qaytadan tindirgich va deemulsator – tindirgichlarga uzatiladi. 

Suv  tezligining  tez  pasayishi  natijasida  tindirgich  -  «ko`l»larda  (3)  neftning  30-40  mkm  li 

tomchilari  yig`iladi  va  mexanik  aralashmalar  cho`kadi.  Oqova  suvlarni  tozalashning  oxirgi  bosqichi 

qum  filtrlardir  (5).  Qum  filtrlarida  ma„lum  vaqt  oralig`ida  cho`kib  qolgan  mikrozarrachalarni  yuvib 

turish  kerak.  Buning  uchun  tozalangan  suv  sig`imi  (6)  dagi  suv  nasos  (8)  yordamida  qum  filtrlariga 

uzatiladi. Filtrli tozalanishda hosil bo`lgan iflos suv omborlarga (9) tushadi.