Өзбектан республикасы жоқары ҳӘм орта арнаўлы билимлендириў министрлиги

4-tema. Kórkem óner hám mádeniyat salasında elektron kesteler jaratıw texnologiyası.
Kórkem óner hám mádeniyat salasındaǵı kesteli maǵlıwmatlardı kompyuter yadına kirgiziw hám qayta islew. MS Excel programması múmkinshiliklerinen paydalanıp kórkem óner hám mádeniyatqa tiyisli ápiwayı hám quramalı strukturalı kesteli hújjetler shólkemlestiriw. MS Excel programmasında formulalar menen islew. Formulalar dúziwde funksiyalar ustasidan paydalanıw. Maǵlıwmatlardı saralaw hám filtrlew. Diagrammalar hám olardıń túrleri. Diagrammalar ustası menen islew. Kestelerdi juwmaqlawshı formaları. Tayın elektron kestelerdi baspadan shıǵarıw. MS Excel programması járdeminde kórkem óner hám mádeniyat tarawına tiyisli maǵlıwmatlar bazası jaratıw jáne onı basqarıw.
MICROSOFT EXCEL PROGRAMMASI. ELEKTRON TABLITSALAR U’STINDE A’MELLER
Reje:

1. 
   EXCEL programmasına kiriw
   
2. 
   Jumıs hu’jjetler menen islew
   
3. 
   Excel programmasında mag’lıwmatlar menen islew
   
4. 
   Formulalar menen islew ha’m mag’lıwmatlardı o’tkeriw
   

Zamanago’y kompyuterlerdin’ programmaliq ta’miynatınin’ ta’rkibiy bo’limine kiriwshi MICROSOFT OFFICE paketindegi tiykarg’ı programmalardan biri tablitsa protsessorı dep atalıwshı EXCEL programması. EXCEL WINDOWS operatsion sisteması basqarıwında elektron tablitsalardı tayarlaw ha’m olarg’a islew beriwge arnalg’an.
Elektron tablitsalar tiykarınan ekonomikalıq ma’selelerdi sheshiwge arnalg’an balsa-da, onın’ quramına kiriwshi qurılmalar basqa oblastqa tiyisli ma’selelerdi sheshiwge de, ma’selen, formulalar boyınsha esaplaw islerin alıp barıw, grafik ha’m diagrammalar qurıwdada u’lken ja’rdem beredi. Sonın’ ushın EXCEL programmasın u’yreniw u’lken a’hmiyetke iye ha’m ha’r bir paydalanıwshıdan EXCEL menen isley alıw ko’nlikpesine iye bolıw talap etiledi.
Insan o’z jumıs ta’jiriybesi dawamında ko’binese qandayda bir kerekli mag’lıwmat alıw ushın bir qıylı, zerigerli, ba’zıda bolsa, quramalı bolg’an islerdi orınlawg’a ma’jbur boladı. Microsoft Excel programması mine usı islerdi an’satlastırw ha’m qızıg’arlı qılıw maqsetinde islep shıg’arıg’an.
Microsoft Excel elektron tablitsası esaplaw programması sıpatında qaralıp, ekonomikalıq ha’m finanslıq ma’selelerdi sheshiwde ja’rdem berip g’ana qalmay, balkim ha’r ku’ngi satıp alınatug’ın azıq-awqatlar, u’y-xojalıq buyımları ha’mde banktegi esap raqamları esap-kitabın alıb barıwda da ja’rdem berwshi tayar programma.