Ozbekstan Respublikasi Xaliq bilimlendiriw ministrligi

Da`nekersiz dizbekli qospa ga`pler

Da`nekersiz dizbekli qospa ga`plerdin` o`zi ma`nisine qaray to`mendegishe bo`linedi:

1. 
   Da`nekersiz mezgilles dizbekli qospa ga`p
   
2. 
   Da`nekersiz qarsilas dizbekli qospa ga`p
   
3. 
   Da`nekersiz sebep-na`tiyje dizbekli qospa ga`p
   
4. 
   Da`nekersiz tu`sindirmeli dizbekli qospa ga`p.
   

Da`nekersiz mezgilles dizbekli qospa ga`p

Bulardin` quramindag`i jay ga`plerde birinde bolgan is-ha`reket ha`diyse ekinshisi menen bir waqitta bolg`anlig`in, yamasa birinen keyin biri izbe-iz o`tkenligin an`latadi.

Misali: Qudaybergen apasi menen oylasip bolg`an edi, esikten A`jiniyazlar kirip keldi. Gu`zde keldi, eginler de jiynala basladi.

Mezgilles dizbekli qospa ga`pler bir wakitli ha`m izbe-iz mez­gilles dizbekli qospa bolip bo`linedi.

1.Bir waqitli mezgilles dizbekli qospa ga`pte is ha`reket bir wakitta islenedi. Misali: Aqiri tan` da atti, erten`gi ha`re­ket baslandi.

2.Izbe-iz mezgilles dizbekli qospa ga`pte is-ha`reket iz­be-iz islenedi.

Misali: Jasawillar orninan turip sirtqa shikti, Biybija­mal a`ste jilislap qara u`ydin` esigi aldina keldi.