O’zbekstan Respublikasi Joqari ha’m orta arnawli bilimlendiriw ministrligi

I.V.Savetskiy atindag’I Qaraqalpaqstan Respublikasi Ma’mleketlik ko’rkem-o’ner muzeyi- O’zbekistanda en’ u’lken muzeylerdin’ biri. Kollektsiyag’a baylig’I jag’inan du’nya ju’zi boyinsha 2-orinda turadi.
Igor Savetskiy Moskvadan No’kiske ko’ship keledi. Ol arxeologiyaliq izertlew ha’m qaraqalpaq etnografiyasin jiynaw menen qizig’adi. 1966-jili Savetskiy hu’kmetti ko’rkem-o’ner muzeyi kerek ekenin uqtiradi. Og’an hu’kimet ta’repinen bina beriledi. Savetskiy usi muzeydi o’z esabinan tikleydi. Sol muzeyge atag’I ele shiqpag’an xudojniklerdin’ kartinalarin satip aladi. Olardan: A.Yusupov, L.Kramarenko, N.Ulyanov, R.Falik, M.Voloshin, R.Mazel. A.Volkov, M.Kurzin, N.Karaxan, U.Tansikbaev, V.Ufimcev h.t.b 1984-jili I.V.Savetskiy qaytis boldi ha’m muzeyge 2015-jilg’a shekem Marinika Maratovna Babanazarova director boladi. Ol ilimpaz M.Nurmuhhamedova qizi ha’m Savetsiydin’ dosti edi.
Muzey haqqinda usi mag’liwmatlarg’a iye boldim. Muzey ju’da’ shirayli ha’m turistlerge toil. Bul jer ju’da’ joqari ma’deniyat orayi esaplanadi. A’lbette bul muzey menen tanisiwg’a shet elden qanshama turistlar keledi.


11-may ku’ni Ellikqala botanika bag’I, To’rtko’l ha’m Beruniydag’I Aqsha ko’l a’tirapindag’I o’simlikler ha’m haywanlar du’nyasi menen tanistiq. Talabalar menen birgelikte Sabirov Dawletnazar ag’a basshilig’inda bardiq. Ellikqala botanika bag’inda ju’da’ ko’p tu’rli o’simlikler egilgen. Bul jerde issixanalar qurilg’an. Bunda ma’deniy ha’m dekorativ o’simlikler egilgen. Olarg’a: Xauttyuniya, kaktuslar, gortenziya, oksalis, fikus, monster, klever, finik (xurma), petuniya, geran, katarantus, kalanxoe, shetflera ag’ashli, poxipodium, xoyya siyaqli o’simlikler egilgen. Sirtqi ta’repte tu’rli ag’ahli o’simliklerden aq akatsiya, catalpa, majnu’ntal, terekler, tut siyaqlilar ko’p.


Petuniya(Petunia –Solanaceae (iytju’zimliler) tuqimlasina kiriwshi bir ha’m ko’p jilliq o’simlik tuwisi. Paqallari pa’s boyli, ushqi bo’limi ko’terilip (40-50 sm) o’sedi. Japirag’I ma’yek ta’rizli, pu’tin. Gu’lleri aq, fiolet ha’m qizg’ish, jeke, uzin buwinli, paqalshalarinin’ ushindag’I japiraq qoltig’inda jaylasqan. Miywesi- kosakcha, 14-15 (basqa mag’liwmatlaeg’a qarag’anda 40) turi bar. Watani- Shig’is Amerikanin’ qublasi. Usi menen botanika pa’ninen qoyilg’an dala a’meliyatti o’z juwmag’ina jetti. Bul a’meliyatta o’simlik ha’m haywanat du’nyasina kiriwshi,yag’niy Qaraqalpaqstan Respublikasi aymag’inda (Turan oypatlig’inda ) jaylasqan janzatlar turlerin ko’riw miyasar boldiq. Tiykarinan flora ha’m fauna biosfera ushin ju’da’ joqari da’rejede kiriwi, olar haqqinda 5 ha’ptelik a’meliyatta teren’rek u’yrendik. Bunda a’lbette Sultanov E, Sabirov D, Bayniyazova G oqitiwshilardin’ basshilig’inda kerekli tu’siniklerge iye boldiq.