Өзбекстан республикасы жоқары ҳӘм орта арнаўлы билимлендириў министрлиги

Интерфаол методлар: “Кейс-стади” (ёки “Ўқув кейслари”), “Блицсўров”, “Моделлаштириш”, “Ижодий иш”, “Муносабат”, “Режа”, “Суҳбат” ва б.

Стратегиялар: “Ақлий ҳужум”, “Бумеранг”, “Галерея”, “Зиг-заг”,
“Зинама-зина”, “Музёрар”, “Ротация”, “Т-жадвал”, “Юмалоқланган қор” ва ҳ.к.

График органайзерлар: “Балиқ скeлети”, “БББ”, “Концептуал
жадвал”, “Венн диаграммаси”, “Инсерт”, “Кластер”, “Нима учун?”,
“Қандай?” ва б.

Айни ўринда бир гуруҳ интерфаол таълим методлари ва уларни таълим амалиётида қўллаш тартиби малакавий ишимизнинг 2.3 параграфида кўриб чиқилади.
2-БОБ. СИММЕТРИК КРИПТОТИЗИМЛАР МАВЗУСИ БЎЙИЧА ЎҚУВ КУРСИНИ ЯРАТИШ

1. 
   Мавзу бўйича машғулотларни ташкил қилиш асослари
   

Мавзу Ўзбекистон Республикаси Олий ва ўрта махсус таълим вазирлиги томонидан 2018 йил 22 январдаги 26-сон буйруғининг 1-иловаси билан тасдиқланган 5130200-амалий математика ва информатика бакалавр таълим йўналишини намунавий ўқув режасининг 4-ихтисослик фанлар блокидаги “ахборотларни ҳимоялаш” фанига таалуқли.
Фаннинг намунавий фан дастури ОЎМТВ томонидан 2018 йил 9 январда №БД 5130200-4.02 рақами билан руйхатга олинган ва олий ва ўрта махсус таълим вазирлигининг 2018 йил 22 январдаги 26-сон буйруғининг 2-иловаси билан тасдиқланган ҳамда ОЎМКҲТ йўналишлари бўйича ЎУБ фаолиятини мувофиқлаштирувчи кенгашининг 2016 йил 9 январдаги 1-сон баённомаси билан маъқулланган.
Ўқув режада фанга 110 соат ажратилган бўлиб, шундан 26 соат маъруза, 28 соат амалий машғулотлар ва 56 соат мустақил таълим учун ажратилган. Фан ўқув режа бўйича 5-семестрда ўтказилиши кўрсатилган.
Фанни ўқитишнинг мақсад ва вазифаси – талабаларда ахборотларни ҳимоя қилишнинг замонавий усуллари ҳақида мос билим, кўникма ва малакасини шакллантириш, талабаларга ахборот хавфсизлиги сиёсати, архитектураси ва стратегияси, шифрлаш, электрон рақамли имзо алгоритмларини назарий ва дастурий таъминотини ўргатишдан иборат.
Дастур асосида ишлаб чиқилган ишчи ўқув дастурида асимметрик криптотизимлар қисмига 12 соат ажратилган ва шундан 6 соат маъруза, 6 соат амалий машғулот.
Амалий машғулотларни ташкил этиш бўйича кафедра профессор-ўқитувчилари томонидан кўрсатма ва тавсиялар ишлаб чиқилиши, дарслик ва ўқув қўлланмалар асосида талабалар билимларини мустаҳкамлашга эришиш, тарқатма материаллардан фойдаланиш, илмий мақолалар ва тезисларни чоп этиш орқали талабалар билимларини ошириш, масалалар ечиш, мавзулар бўйича кўргазмали воситалар тайёрлаш тавсия этилган.
Талабанинг мустақил таълимининг асосий мақсади – ўқитувчининг раҳбарлиги ва назоратида муайян ўқув ишларини мустақил равишда бажариш учун билим ва кўникмаларини шакллантириш ва ривожлантириш бўлиб, бу фан дастурида назарда тутилган ҳамда мустақил таълим мавзулари тавсия этилган.
Дастурда талабаларнинг фанни ўзлаштиришлари учун ўқитишнинг илғор ва замонавий усулларидан фойдаланиш, янги информацион-педагогик технологияларни тадбиқ қилиш муҳим аҳамиятга эгалиги айтиб ўтилган. Фанни ўзлаштиришда дарслик, ўқув ва услубий қўлланмалар, маъруза матнлари, тарқатма материаллар, электрон материаллар ҳамда компьютер технологияларидан фойдаланиши, шунингдек маъруза ва амалий машғулотларда мунозара, блиц сўров ва кичик гуруҳларда ишлаш каби илғор педагогик технологиялардан фойдаланилиши тавсия этилган.